Hebreus 11:31 - Kashinawa : Diosun Jesúswen taexun yuba bena yiniki

³¹ Ja inun, jabianuadi Rahab ainbu jininipabia Dioski mesekin Israelin baba dabe unantinain buabu jatu itan medabewashinawen taexun chakabukubainmisbu Jericó anu jabe jiweabu jatu yamawakin Israelbun Rahab tenanma inibukiaki.

Kaxinawá Bíblia (BR)

³¹ Ha inũ, habianuari Raabe aĩbu hininipabia Deuski mesekĩ Israelĩ baba dabe unãtinaĩ buabu hatu itã merabewaxinawẽ taeshũ txakabukubaĩmisbu Jericó anu habe hiweabu hatu yamawakĩ Israelbũ Raabe tenãma inibukiaki.

Hebreus 11:31 Referencias Cruzadas

Mateus 1:1

Abrahamnen baba inun Davidin baba Jesucriston xenipabukidi matu yuinun ninkaidakanwen.

Mateus 1:5

Salmónen Rahab ainwantan bakewa jatun bake betsadan, Booz inikiaki. Boozin Rut ainwantan bakewa jatun bake betsadan, Obed inikiaki. Obedin bake betsadan, Jesé inikiaki.

Hechos 15:33

januxun jau jatu yusinyununbun uxe ichapama bashimaxun ma buaibun ja jabun jatu yunuimabu anu jabu jiwei peabu jau jatu yuitanunbun, iwanan, unanuma jau butanunbun jatu nichian buaibun

Hebreus 3:18

Ja mae pepa Canaán anu Diosun jatu yubai jatukidi janchai: “En jatu janu jikimatan jatu juindukunmamaxanaidan, jabuan en jancha ninkama danainbudan, jabu jikiama ixankanikiki”, iniki.

Santiago 2:25

Abraham keskai Rahab atiabiamis Dioski mesekin Israelbun xanen ibun tsuma unanepa unantinan dabenika Jericó maewan anu jikitan Rahabin jiwe anu jikiaibu jatu unanti watan Jericó maewan xanen ibuki chaniabu jawen soldadobu jabu unantinantan chaninika dabe jatu achimanun, iwanan, Rahabin jiwe anu jikiabu Rahabin jatu medabewakin soldadobu padanxunkin jawen jiwe anu adubiatan jatu yuikin: “Chanima en jatu uinxuki. Jakia jadakidida ma bukanikiki. Jatu benatankanwen”, atan bai betsawen jatu nichinkin medabewanikiaki. Rahabin jatu jaska waiwen taexun jawen akawen Diosun pepa wadianiki.

1 Pedro 2:8

Ja dikabi Diosun na eskakidi Isaías yuikin: “Jaki juti itan tin iti mishkiki, jawen jatu sinatamatidan”, ani keskadiai tsuabunda ja jancha jakidi kakape ninkatan chibankatsi ikama danain jaki juti itan jaki sinatai keskabu Diosun jabu kupixanikiki.

1 Pedro 3:20

Jamen nukun xenipabu Noén jawen nunuti waya jabias jabu yushin patapanibu nichindiama jau Diosun jancha ninkanunbun jin jin, iwanan, jawaida jatu kupikatsi ikama Diosun jatu manayuaya jawen jancha dananibukiaki. Ja inun, ui jeneama jene ewa wakin yuda betsa betsapabu jatun chakabuwen taexun ja jenewen jatu kupikin Diosun dasibi yamawanikiaki. Januxun yuda eskadabes 8 besti nunuti medan Diosun jatu kupiama Noéwen besti paxai mekenibukiaki.