Jesús nukuki kematan nuku jancha wakin yuikin: —Jawen kushipa ea inankin jawada nai anua inun jawada mai anua mekekin en yunukubainxanun En Epan ea Xanen Ibu waniki.
1 Coríntios 11:3 - Kashinawa : Diosun Jesúswen taexun yuba bena yiniki Jaskabia Diosun jancha ninkai ichatan Dios kenwankin jaska ainbuaibu jau ikubainunbun matu yuinun ninkakanwen. Ja dukunan, Criston junibu mekekin yunumiski. Junibundi jawen ain mekekin yunudiamisbuki. Jabiaskadi wakin Diosun Cristo mekekin yunudiamiski. Kaxinawá Bíblia (BR) Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski. |
Jesús nukuki kematan nuku jancha wakin yuikin: —Jawen kushipa ea inankin jawada nai anua inun jawada mai anua mekekin en yunukubainxanun En Epan ea Xanen Ibu waniki.
“Ka matu anu en ana juxanaii”, ikin en yuiai man ma ea ninkaxuki. Janua Epa Dios xanen ibun ea binuawen taea janu en kaxanaii. En Epa anu en kaxanai man ninkaiwen taea man benimakeanaii, chanima ea bechipai kayabidan.
Dasibi matu ibuwamabiani, na jaska dasibi man jiweadan, man Cristonaki. Ja inun, Cristodan, Diosunaki, jawen bake kayabidan. Jaskawen taexun Epa Diosun jancha shinankin nuku nun yuda bestibiaken ana nukukidi janchakin nuku kenwanyamakanwen, nukun Xanen Ibu besti kenwankinan.
Jakia bechipainamekin jancha kayabi yui nukun Xanen Ibu Cristo keskai ewai jiweyukubainankanwen, Cristo nukun buxkaken jaki dasi tsamitan nun jawen yuda ewawaidan.
Ja dikabi Cristo jawen jiweawen nukun Xanen Ibuxanun ika kushipai jawen buxkai nuku ixuniki, nun ikunwainbun jawen yuda nun ixanunbunan. Ja dukun jiweniwen taea mawamisbu kushipa binui ja dukun mawabu anua bestein taekin dasibi jatun dukun binu keyuniki.
Cristo ma man jaki dasitan ikunwainbudan, Cristona dasibi man jayaki, Diosun jawen kushipa jabiasdi inaniwen taeadan. Ja dikabi yushin dasibi inun, nai tsuma pepa inun chakabu dasibi inun, xanen ibubu mai anua xanen ibujaidakin jatu binu keyuaki.
Ja jabu jaskamisbudan, Cristodan, jatun buxkamaki. Jamen nukubudan, nukun buxkadan, Cristoki. Jaskaken nukun yuda ewakaini pitiwen nun kushipamis keskadiai jabun nukun Xanen Ibu Cristo ikunwainbudan, pabu tibi jaki dasikin nun ewawaidan, jawada nun unandiama tapinmakin jaska Dios yubakani Criston jaska shinankin nuku amaikiki.
Beneyabuun, matu yununun ninkakanwen. Ikunwain man ma nukun Xanen Ibuki dasinibudan, matun benen jawadakidi matu jancha wai jawen jancha chibankin ninkasama axunkubainkanwen.
Ainbu beneyabuun, matudi yuinun ninkaidakanwen. Matun benen matu yunua ninkatan jabebis yununamei jen iyamama axunkubainkanwen. Jaskakin jatiditun matun benen Diosun jancha ikunwandiama duawai man pepakunkainai matu uinkubainmiswen taexun janchawensma man pepawamiswen matun bene bestibu Jesús man ikunwanmatiduki,