၂ ရာ 16:19 - မြန်မာ့စံမီသမ္မာကျမ်း ထို့ပြင် မည်သူ့ထံ၌ အကျွန်ုပ် အမှုထမ်းသင့်သနည်း။ ဘုရင့်သားတော်ထံ၌ မဟုတ်လော။ အရှင့်ခမည်းတော်ထံ၌ အမှုထမ်းခဲ့သည့်နည်းတူ အရှင့်ထံ၌လည်း အမှုထမ်းပါမည်”ဟု ဆို၏။ Common Language Bible အမှန်မှာအကျွန်ုပ်သည်မိမိသခင်၏ သားတော်ထံတွင်အမှုတော်မထမ်းဆောင် ပါလျှင် အဘယ်သူ၏ထံတွင်ထမ်းဆောင် ရပါမည်နည်း။ အကျွန်ုပ်သည်အရှင့်ခမည်း တော်၏အမှုတော်ကိုထမ်းဆောင်ခဲ့သည့် နည်းတူ ယခုအရှင်၏အမှုတော်ကို ထမ်းဆောင်ပါမည်'' ဟုလျှောက်၏။ Garrad Bible ၎င်း ပြင်၊ မည် သူ့ ထံ ကျွန် ခံ၌ ပါ မည် နည်း။ သား တော့် ထံ မ ဟုတ် လော။ ကျွန် တော် သည် ခ မည်း တော် ထံ၌ ကျွန် ခံ ခဲ့ သည့် နည်း တူ ကိုယ် တော့် ထံ ကျွန် ခံ ပါ မည် ဟု အ ဗ ရှ လုံ အား ဝန် ခံ လေ ၏။ Judson Bible တစ်ဖန် အကြင်သူထံ၌ ကျွန်ခံရ၏။ ထိုသူ၏သားထံ၌ ကျွန်ခံရသည် မဟုတ်ပါလော။ ကျွန်တော်သည် ခမည်းတော်ထံ၌ ကျွန်ခံရသည်နည်းတူ ကိုယ်တော်ထံ၌လည်း ကျွန်ခံပါမည်ဟူ၍လည်းကောင်း၊ အဗရှလုံအား လျှောက်ဆို၏။ |
မြို့သို့ပြန်သွားပြီး အဗရှလုံအား ‘အကျွန်ုပ်သည် အရှင်မင်းကြီး၏အမှုထမ်း ဖြစ်ပါ၏။ ယခင်က အရှင့်ခမည်းတော်၏အမှုထမ်းလည်း ဖြစ်ခဲ့ဖူးပါ၏။ သို့သော် ယခုမှာ အရှင်၏အမှုထမ်း လုပ်ပါမည်’ဟု လျှောက်လျှင် အဟိသောဖေလပေးမည့်အကြံကို ငါ့အဖို့ သင်ဖျက်ဆီးပေးနိုင်လိမ့်မည်။
ဟုရှဲက အဗရှလုံအား “မလိုက်ပါ။ ထာဝရဘုရားနှင့် ဤလူများ ရွေးချယ်သောသူ၊ အစ္စရေးအမျိုးသားအပေါင်းတို့ ရွေးချယ်သောသူဘက်၌သာ ငါနေမည်။ သူ့အတွက်သာ အစေခံမည်။
အဗရှလုံကလည်း အဟိသောဖေလအား “ငါတို့ မည်သို့ပြုသင့်သည်ကို သင်အကြံပေးကြည့်ပါ”ဟု ဆိုလျှင်
သူ၏နှုတ်သည် ထောပတ်ကဲ့သို့ညက်ညောသော်လည်း သူ၏စိတ်နှလုံး၌ စစ်မက်ရှိ၏။ သူ၏စကားတို့သည် ဆီထက်ချောမွတ်သော်လည်း ဆွဲထုတ်ထားသောဓားများဖြစ်ကြ၏။
ထိုအခါ ကျန်သောဂျူးအမျိုးသားတို့သည်လည်း သူနှင့်အတူ သူတော်ကောင်းယောင်ဆောင်ကြသဖြင့် ဗာနဗပင်လျှင် သူတို့၏သူတော်ကောင်းယောင်ဆောင်ခြင်းသို့ လိုက်ပါသွားခဲ့၏။
ဒါဝိဒ်က အာခိတ်မင်းကြီးအား “အရှင့်အစေအပါး မည်သို့ပြုနိုင်သည်ကို အရှင် သိမြင်ရလိမ့်မည်”ဟု ဆို၏။ အာခိတ်မင်းကြီးကလည်း ဒါဝိဒ်အား “ကောင်းပြီ။ သင့်ကို ငါ၏သက်တော်စောင့်အဖြစ် ရာသက်ပန်ခန့်လိုက်ပြီ”ဟု ပြန်ပြော၏။
ဒါဝိဒ်က အာခိတ်မင်းကြီးအား “အကျွန်ုပ် မည်သို့ပြုမိပါသနည်း။ အကျွန်ုပ်၏သခင် အရှင်မင်းကြီး၏ရန်သူတို့ကို စစ်တိုက်သွားခွင့်မရအောင် အရှင့်ထံသို့ရောက်သည့်နေ့မှစ၍ ယနေ့အထိ အရှင့်အစေအပါး၌ မည်သည့်အပြစ်ကို အရှင်တွေ့ရှိပါသနည်း”ဟု ပြန်ပြော၏။