Psalms 83:5 - Die Bybel 2020-vertaling

⁵ Hulle het gesê: “Kom ons wis hulle uit as 'n nasie sodat die naam Israel nie meer onthou word nie.”

Bybel vir almal

⁵ Hulle sê: “Kom ons maak hulle almal dood sodat hulle nie meer 'n volk is nie en sodat niemand die naam Israel sal onthou nie.”

Afrikaans 1933-1953

⁵ Hulle sê: Kom, laat ons hulle vernietig, dat hulle geen volk meer is nie, sodat aan die naam van Israel nie meer gedink word nie.

Afrikaans 1983

⁵ Hulle sê: “Kom ons roei hulle uit dat hulle nie meer 'n volk is nie, dat niemand meer die naam Israel sal onthou nie.”

Contemporary Afrikaans Bible 2023

⁵ Want hulle het met een instemming beraadslaag: hulle is bondgenote teen jou;

Die Boodskap

⁵ Hulle sê: “Kom ons gaan maak daardie klomp dood. Dan kan hulle nie meer die Here se kinders wees nie. Niemand sal dan meer oor God se kinders praat of van hulle onthou nie.”

Nuwe Lewende Vertaling

⁵ “Kom,” sê hulle. “Laat ons hulle as nasie uitwis sodat die naam van Israel nie meer onthou sal word nie.”

Psalms 83:5 Kruisverwysings

2 Kronieke 20:11

En kyk hoe vergoed hulle ons – hulle kom en verdryf ons uit u eiendom wat U aan ons as besitting gegee het.

Ester 3:6

Dit was nie vir hom voldoende om net vir Mordegai dood te maak nie; hy het immers te wete gekom aan watter volk Mordegai behoort. Haman het 'n geleentheid gesoek om al die Jode, die volk van Mordegai, in die hele koninkryk van Ahasveros uit te wis.

Psalms 124:3

dan het hulle ons lewendig ingesluk toe hulle toorn teen ons ontbrand het;

Psalms 2:2

Die konings van die aarde neem stelling in en die heersers span saam teen die Here en sy gesalfde:

Psalms 74:8

Hulle het in hulle hart gesê: Ons moet alles gelyktydig vernietig. Hulle het al die ontmoetingsplekke van God in die land verbrand.

Spreuke 21:30

Geen wysheid, geen verstandigheid, ja, geen raad hou stand teen die Here nie.

Jesaja 7:2

Toe die berig aan die huis van Dawid gebring is, “Aram het by Efraim aangesluit, ” het Agas se hart en die hart van sy volk gebewe soos die bome van 'n bos voor wind bewe.

Jeremia 33:24

“Het jy nie opgelet wat hierdie volk sê nie? Hulle sê, ‘Die twee familiegroepe wat die Here gekies het – Hy het hulle verwerp!’ Hulle verag my volk, sodat, wat hulle betref, hulle nie meer 'n nasie is nie.”

Esegiël 25:15

“ ‘So sê my Heer, die Here: “Omdat die Filistyne met wraak opgetree het, hulle met sielsveragting gewreek het, met die doel om te verwoes, op grond van 'n ewigdurende vyandskap,

Miga 4:11

“Maar nou span baie nasies teen jou saam, hulle wat sê, ‘Laat Sion maar ontheilig word; ons sal dit met genoegdoening aanskou.’

Josua 7:9

Die Kanaäniete en al die inwoners van die land sal dit hoor, ons omsingel en ons naam van die aarde af uitroei . Wat sal U dan doen vir u groot Naam? ”

Openbaring 17:13

Hulle het net een doel voor oë, en dit is om hulle krag en volmag aan die dier beskikbaar te stel.

Openbaring 19:19

En ek het gesien dat die dier en die konings van die aarde met hulle leërs saamgetrek het om oorlog te maak teen Hom wat op die perd sit, en teen sy leër.