Psalms 81:9 - Die Bybel 2020-vertaling

⁹ “Luister, my volk, Ek wil jou waarsku, Israel; as jy maar net na My sal luister:

Bybel vir almal

⁹ “My volk, julle moet luister wanneer Ek julle waarsku. Ek wens Israel wil luister na My.

Afrikaans 1933-1953

⁹ Hoor, my volk, en Ek wil jou dit inskerp; Israel, as jy tog na My wou luister!

Afrikaans 1983

⁹ Luister, my volk, Ek gee julle 'n opdrag. Israel, luister na My:

Contemporary Afrikaans Bible 2023

⁹ Daar sal geen vreemde god in jou wees nie; en jy mag geen vreemde god aanbid nie.

Die Boodskap

⁹ My kinders, luister asseblief na My. Hoor wat Ek sê. Ek gee julle ’n opdrag:

Nuwe Lewende Vertaling

⁹ “Luister, my volk, Ek wil julle waarsku. Israel, as julle maar net na My wou luister!

Psalms 81:9 Kruisverwysings

1 Konings 22:19

Maar Miga het gesê: “Daarom, hoor die woord van die Here! Ek het die Here sien sit op sy troon, met die hele hemelse leër wat by Hom staan, aan sy regter- en aan sy linkerkant.

Psalms 44:20

Maar U het ons verpletter deur van ons 'n plek te maak waar woestynjakkalse hou; U het ons met digte duisternis bedek.

Psalms 50:7

“Luister tog, my volk, Ek wil my saak stel, Israel, Ek wil teen jou getuig: God, jou God, is Ek.

Eksodus 15:26

Hy het gesê: “As jy noukeurig luister na die stem van die Here jou God, doen wat reg is in sy oë, aandag gee aan sy gebooie en al sy vaste voorskrifte nakom, dan sal Ek nie een van die siektes wat Ek op die Egiptenare gelaai het, oor jou bring nie; want Ek is die Here wat jou gesond maak. ”

Jesaja 28:23

Gee aandag en luister na my stem! Gee ag en luister na my woorde!

Jesaja 43:12

Ek is die Een wat dit bekend gemaak het; Ek het verlos en dit aangekondig – Ek, nie 'n vreemde onder julle nie. En julle is my getuies,” is die uitspraak van die Here, “dat Ek God is.

Hosea 4:1

Luister na die woord van die Here, Israeliete, want die Here het 'n regsaak teen die inwoners van die land: “Omdat daar geen betroubaarheid, geen troue liefde, en geen kennis van God in die land is nie,

Maleagi 2:11

Juda was ontrou, en iets afstootliks is in Israel en Jerusalem gedoen: Juda het die heiligdom van die Here waarvoor Hy lief is, ontheilig. Juda het met dogters wat vreemde gode dien, getrou.

Deuteronomium 32:12

het net die Here hom gelei; daar was geen vreemde god by hom nie.

Deuteronomium 6:14

“Julle mag nie agter ander gode aanloop nie, gode van die nasies rondom julle;