Psalms 81:10 - Die Bybel 2020-vertaling

¹⁰ Daar mag by jou nie 'n vreemde god wees nie, jy mag nie voor 'n uitlandse god in aanbidding buig nie.

Bybel vir almal

¹⁰ Julle moenie ander gode by julle hê nie, julle moenie buig vir die gode van ander volke nie.

Afrikaans 1933-1953

¹⁰ Daar mag by jou geen vreemde god wees nie, en voor 'n uitlandse god mag jy jou nie neerbuig nie.

Afrikaans 1983

¹⁰ ‘Daar mag vir julle geen ander god wees nie, julle mag voor geen vreemde god neerbuig nie.

Contemporary Afrikaans Bible 2023

¹⁰ Ek is die HERE jou God wat jou uit Egipteland uitgelei het; maak jou mond wyd oop, en Ek sal dit vul.

Die Boodskap

¹⁰ ‘Moet nooit ander gode aanbid nie. Moenie voor vreemde gode neerbuig nie.

Nuwe Lewende Vertaling

¹⁰ Julle mag nie ’n ander god dien, of voor ’n vreemde god buig nie.

Psalms 81:10 Kruisverwysings

Psalms 107:9

want Hy het die dors van hulle kele geles, en die honger van hulle kele het Hy gestil met wat goed is.

Eksodus 20:2

“ Ek is die Here jou God, wat jou uit Egipteland, uit die plek van slawerny, uitgelei het.

Eksodus 20:3

Jy mag naas My nie ander gode hê nie.

Jeremia 11:4

dit wat Ek julle voorouers beveel het op die dag toe Ek hulle uit Egipteland, uit die ystersmeltoond, uitgelei het met die woorde, ‘Luister na my stem en tree op ooreenkomstig alles wat Ek julle beveel. Julle sal dan my volk wees, en Ek sal julle God wees,

Hosea 8:3

Israel het die goeie verwerp, 'n vyand sal hom agtervolg.

Johannes 15:7

As julle in My bly, en my woorde in julle bly, vra dan wat julle wil, en dit sal met julle gebeur.

Johannes 16:23

En op daardie dag sal julle My niks meer vra nie. Amen, amen, Ek sê vir julle: Wat julle die Vader in my Naam vra, sal Hy aan julle gee.

Johannes 7:37

En op die laaste dag, die groot dag van die fees, het Jesus gaan staan en uitgeroep: “As iemand dors het, laat hy na My kom, en drink!

Deuteronomium 5:7

Jy mag naas My nie ander gode hê nie.

Josua 24:14

“ Daarom dan, julle moet ontsag hê vir die Here; dien Hom met opregtheid en getrouheid. Verwyder die gode wat julle voorvaders anderkant die Rivier en in Egipte gedien het, en dien die Here.

Josua 24:23

“Verwyder dan nou die vreemde gode in julle midde en rig julle harte op die Here, die God van Israel.”

Openbaring 21:6

Verder het Hy vir my gesê: “Dit is afgehandel! Ek is die Alfa en die Omega, die Begin en die Einde. Dié wat dors is, sal Ek laat drink uit die fontein van lewegewende water – verniet!

Openbaring 22:17

En die Gees en die bruid sê: “Kom!” En laat elkeen wat luister, sê: “Kom!” En laat elkeen wat dors het, kom. En laat elkeen wat dit begeer, die water van die lewe kom kry, verniet!