Psalms 74:21 - Die Bybel 2020-vertaling

²¹ Laat die onderdruktes nie in vernedering terugkeer nie. Die magteloses en behoeftiges sal u Naam loof.

Bybel vir almal

²¹ U moenie die mense laat verloor wat hulleself nie kan beskerm nie. Die mense wat hulleself nie kan help nie en wat niks het nie, wil u Naam prys.

Afrikaans 1933-1953

²¹ Laat die verdrukte nie beskaamd terugkom nie; laat die ellendige en behoeftige u Naam prys.

Afrikaans 1983

²¹ Moenie dat die verdrukte teleurgestel omdraai nie, red die hulpelose en die arme, laat hulle u Naam prys.

Contemporary Afrikaans Bible 2023

²¹ Laat die verdruktes nie beskaamd terugkom nie; laat die arme en behoeftige u Naam loof.

Die Boodskap

²¹ Dit gaan sleg met u kinders; ons word verdruk. Moet ons nie nou teleurstel nie. Red ons! Almal wat hulp nodig het, sal U loof vir u goedheid!

Psalms 74:21 Kruisverwysings

Esra 3:11

Terwyl hulle die Here loof en dank, het hulle gesing: “Want Hy is goed, ja, sy troue liefde oor Israel is vir altyd!” Die hele volk het baie hard gejuig toe die Here geloof is, omdat die fondament van die huis van die Here gelê is.

Psalms 103:6

Die Here handhaaf geregtigheid, die regte van almal wat verdruk word.

Psalms 109:22

Want ek is magteloos en behoeftig, en my hart is deurboor in my binneste.

Psalms 12:5

hulle wat sê: “Danksy ons tonge is ons sterk; ons lippe is onder ons beheer. Wie is heer oor ons?”

Psalms 35:10

My hele wese sal sê: “Here, wie is soos U, wat die magtelose red van dié wat sterker as hy is, ja, die magtelose en behoeftige van dié wat hom beroof?”

Psalms 9:18

Goddeloses draai om na die •doderyk, al die nasies wat God vergeet.

Jesaja 45:17

Israel word verlos deur die Here – 'n verlossing vir alle tye. Hulle sal nie beskaamd staan nie, en nie verneder word nie – tot in alle ewigheid.

Jeremia 33:11

die geluid van vrolikheid en vreugde, die stem van bruidegom en bruid, die stem van hulle wat sê, “Prys die Here, Heerser oor alle magte, want die Here is goed, ja, vir ewig duur sy troue liefde,” terwyl hulle dank betuig in die huis van die Here. Ja, Ek sal die lot van die land verander om te wees soos voorheen,’ sê die Here.