Psalms 74:20 - Die Bybel 2020-vertaling

²⁰ Hou die verbond in die oog, want die donker plekke van die wêreld is vol nedersettings van geweld.

Bybel vir almal

²⁰ U moet onthou dat U 'n verbond met ons gemaak het, want in elke donker plek in die land maak hulle die mense seer wat aan U behoort.

Afrikaans 1933-1953

²⁰ Aanskou die verbond, want die donker plekke van die land is vol wonings van geweld.

Afrikaans 1983

²⁰ Dink tog aan u verbond, want selfs in die uithoeke van die land is daar verdrukking.

Contemporary Afrikaans Bible 2023

²⁰ Let op die verbond, want die donker plekke van die aarde is vol woonplekke van wreedheid.

Die Boodskap

²⁰ Onthou, U het lank gelede ’n ooreenkoms met u volk gemaak: U het gesê U sal ons beskerm. Ons is nou diep in die moeilikheid. Oral in die land breek geweld uit.

Nuwe Lewende Vertaling

²⁰ Kyk tog na u verbond, want tot in die donkerste hoekies is die aarde vol geweld!

Psalms 74:20 Kruisverwysings

2 Samuel 23:5

“Ja, is dit nie soos my huis by God is nie? Want Hy het 'n ewige verbond met my gevestig, in alle opsigte georden en beskerm. Ja, al my heil en alle wense, sal Hy dit dan nie laat uitspruit nie?

Psalms 105:8

Hy onthou vir altyd sy verbond, die woord wat Hy beveel het, vir duisend geslagte,

Psalms 106:45

Om hulle ontwil het Hy aan sy verbond gedink, en Hy het hulle jammer gekry uit die oorvloed van sy troue liefde.

Psalms 5:8

Maar ék mag op grond van u oorvloedige troue liefde na u huis kom; uit ontsag vir U buig ek in aanbidding na u •heilige •tempel.

Psalms 89:28

Ek sal hom dan •eersgeborene maak, die hoogste van die konings van die aarde.

Psalms 89:39

Maar U self het hom verstoot en verwerp, U was woedend vir u gesalfde.

Jeremia 14:21

Moet ons nie verstoot nie, ter wille van u Naam; moenie u heerlike troon ontwy nie! Onthou tog – moenie u verbond met ons verbreek nie!

Deuteronomium 12:31

Jy mag nie so offer vir die Here jou God nie, want alles wat vir die Here afstootlik is, waarin Hy 'n weersin het, offer hulle vir hulle gode. Ja, hulle verbrand selfs hulle seuns en dogters vir hulle gode.

Deuteronomium 9:27

Dink aan u diensknegte, aan Abraham, Isak en Jakob. Moet tog nie ag slaan op die hardkoppigheid van hierdie volk en op hulle oortredings en sonde nie.

Hebreërs 8:10

Dit is dan die verbond wat Ek ná daardie dae met die huis van Israel sal sluit, sê die Here: Ek sal my wette in hulle verstand gee, en op hulle harte sal Ek dit neerskryf. Ek sal vir hulle 'n God wees, en hulle sal vir My 'n volk wees.