Psalms 71:2 - Die Bybel 2020-vertaling

² Red my en bevry my deur u •geregtigheid; draai u oor na my en verlos my.

Bybel vir almal

² U sal reg doen aan my, U sal my red en my vrymaak. U moet doen wat ek vra, U moet my red.

Afrikaans 1933-1953

² Red my deur u geregtigheid en bevry my; neig u oor tot my en verlos my!

Afrikaans 1983

² Red my en bevry my, want U is getrou. Luister tog na my en help my!

Contemporary Afrikaans Bible 2023

² Red my in u geregtigheid en laat my ontvlug; neig u oor tot my en verlos my.

Die Boodskap

² Daarom vra ek: Gryp in! Help my! Pas my asseblief op! Want U doen altyd wat reg is.

Nuwe Lewende Vertaling

² Red my en verlos my, want by U is regverdigheid. Luister na my en maak my vry.

Psalms 71:2 Kruisverwysings

Psalms 143:1

'n Psalm. Van Dawid. Here, hoor my gebed, luister na my smeekgebed; antwoord my in u trou, in u geregtigheid.

Psalms 143:11

Ter wille van u Naam, Here, moet U my in die lewe hou; deur u regverdige optrede moet U my uitlei uit die nood;

Psalms 17:2

Van U af moet die oordeel oor my kom; mag u oë regverdig onderskei.

Psalms 17:6

Ek roep U aan, want U verhoor my, o God; draai u oor na my, luister na my woorde.

Psalms 31:1

Vir die •musiekleier. 'n Psalm. Van Dawid.

Psalms 31:2

By U, Here, skuil ek. Laat my nie vir altyd beskaamd staan nie, bevry my deur u •geregtigheid.

Psalms 34:15

Vermy die kwaad, en doen die goeie; soek vrede, en jaag dit na.

Psalms 43:1

Handhaaf my reg, o God, en verdedig my saak teen 'n ontroue nasie; bevry my van mense wat bedrog en onreg pleeg.

Daniël 9:16

My Heer, laat, in ooreenstemming met al u weldade, u toorn en woede asseblief wegdraai van u stad Jerusalem, u heilige berg. Want dit is deur ons sonde en die sondeskuld van ons voorouers dat Jerusalem en u volk 'n bespotting geword het vir almal om ons.

1 Korinthiërs 10:13

Geen versoeking het oor julle gekom, behalwe 'n menslike een nie. God is egter getrou. Hy sal nie toelaat dat julle bo julle vermoë versoek word nie, maar sal saam met die versoeking ook uitkoms gee, sodat julle dit kan verduur.