Psalms 71:16 - Die Bybel 2020-vertaling

¹⁶ Ek sal ingaan en getuig van die magtige dade van die Here, my Heer; ek sal getuig van u geregtigheid, net van U alleen.

Bybel vir almal

¹⁶ My Here, ek sal kom vertel van die groot dinge wat U gedoen het. Here, ek sal sê dit is net U wat reg gedoen het aan my.

Afrikaans 1933-1953

¹⁶ Ek sal kom met die magtige dade van die Here Here; ek sal u geregtigheid vermeld, dié van U alleen.

Afrikaans 1983

¹⁶ Ek kom om u magtige dade te prys, Here my God, die verlossingswerk wat net U kan doen.

Contemporary Afrikaans Bible 2023

¹⁶ Ek sal gaan in die sterkte van die HERE HERE: Ek wil U geregtigheid noem, ook van U alleen.

Die Boodskap

¹⁶ Ek sal aanhou vertel van al die wonderlike dinge wat die Here gedoen het. Oor die bevryding wat net U alleen kan gee, sal ek praat.

Nuwe Lewende Vertaling

¹⁶ Oppermagtige Here, ek kom om u magtige dade te prys, ek sal vir almal vertel dat U alleen regverdig is.

Psalms 71:16 Kruisverwysings

Psalms 106:2

Wie kan die magtige dade van die Here verwoord, al sy lof verkondig?

Psalms 29:11

Die Here gee krag aan sy volk, die Here seën sy volk met vrede.

Psalms 51:14

Laat my weer die vreugde oor u verlossing ervaar, laat 'n gewillige gees my ondersteun.

Psalms 71:15

My mond sal van u geregtigheid vertel, van u verlossingsdade, die hele dag lank, al is die getal bo my begrip.

Psalms 71:19

U geregtigheid, o God, strek tot aan die hemel, U wat grootse dade verrig het. O God, wie is soos U?

Psalms 71:2

Red my en bevry my deur u •geregtigheid; draai u oor na my en verlos my.

Psalms 71:24

Ook my tong sal die hele dag oor u geregtigheid prewel, omdat daardie mense beskaamd staan, omdat hulle wat my onheil soek, in die skande gekom het.

Jesaja 26:13

Here, ons God, ander here as U het oor ons regeer. Alleen deur u toedoen bely ons u Naam.

Jesaja 40:31

Maar wie op die Here wag, herwin hulle krag; hulle kry nuwe vere soos arende. Hulle hardloop, maar raak nie afgemat nie, hulle loop, maar word nie moeg nie.

Jesaja 63:7

Die troue liefde van die Here sal ek vermeld, die lofwaardige dade van die Here, in ooreenstemming met alles wat die Here aan ons bewys het – die oorvloedige guns vir die huis van Israel wat Hy aan hulle bewys het in sy ontferming en oorvloedige troue liefde.

Sagaria 10:12

“Ek sal hulle sterk maak in die Here; in sy Naam sal hulle leef,” is die uitspraak van die Here.

Matteus 6:33

Maar soek eers die •koninkryk van God en sy •geregtigheid, en al hierdie dinge sal vir julle bygevoeg word.

Romeine 1:17

Want daarin word geopenbaar dat die •geregtigheid van God geheel en al op geloof berus, soos daar geskryf staan: “Die regverdige op grond van geloof sal leef.”

Romeine 10:3

Omdat hulle die •geregtigheid wat van God af kom, nie begryp nie, en probeer om hulle eie geregtigheid tot stand te bring, het hulle hulle nie onderwerp aan die geregtigheid wat van God af kom nie.

Romeine 3:21

Maar nou word die geregtigheid van God, waarvan die Wet en die Profete getuig, sonder die wet bekend gemaak.

Efesiërs 3:16

Ek bid dat Hy vir julle na die rykdom van sy heerlikheid dít sal skenk: om deur sy Gees met krag na die innerlike mens versterk te word,

Efesiërs 6:10

Ten slotte: Vind jou sterkte in die Here en in sy geweldige krag.

Deuteronomium 33:25

Mag jou sluitbalke van yster en brons wees, en jou lewenskrag soos jou lewensjare.

Filippense 3:9

en in Hom bevind kan word – nie met my eie geregtigheid op grond van die wet nie, maar met die geregtigheid deur geloof in Christus, die regverdiging wat van God kom, deur die geloof –

Filippense 4:13

Tot dit alles is ek in staat deur Hom wat my krag gee.

2 Thessalonisense 1:6

Dit is inderdaad vir God reg om diegene wat julle verdruk, met verdrukking te vergeld,

2 Timoteus 2:1

Jy dan, my kind, wees sterk deur die genade in •Christus Jesus,