Psalms 7:7 - Die Bybel 2020-vertaling

⁷ Staan op, Here, in u toorn, tree op teen die woedebuie van my teenstanders, word wakker, my God; U vel die oordeel!

Bybel vir almal

⁷ Here, U moet kwaad word, U moet my vyande aanval wat so kwaad is vir my, U moet my nou help. U het gesê mense moet reg doen aan mekaar.

Afrikaans 1933-1953

⁷ Staan op, Here, in u toorn, verhef U teen die grimmigheid van my teëstanders en ontwaak vir my, U wat die reg beveel het!

Afrikaans 1983

⁷ Kom tog, Here, in u toorn, tree op teen die verwoede aanslag van my teëstanders. Kom my te hulp, U wat bepaal het dat reg sal geskied.

Contemporary Afrikaans Bible 2023

⁷ So sal die vergadering van die volke jou omsingel; daarom bekeer jy om hulle ontwil in die hoogte.

Die Boodskap

⁷ Staan asseblief op, Here! Gryp tog in! Word ’n slag kwaad vir daardie spul wat so vol woede teen my baklei. Pas my op. U wil mos hê dat mense reg behandel word.

Nuwe Lewende Vertaling

⁷ Staan op, Here, in u toorn! Tree op teen my vyande se woede! Kom tot aksie, my God! Laat u geregtigheid seëvier!

Psalms 7:7 Kruisverwysings

Psalms 138:6

Ja, verhewe is die Here, maar nederiges sien Hy raak en hoogmoediges ken Hy van ver af.”

Psalms 35:23

Word wakker! Staan op vir my regte, vir my verdediging, my God en my Heer.

Psalms 43:1

Handhaaf my reg, o God, en verdedig my saak teen 'n ontroue nasie; bevry my van mense wat bedrog en onreg pleeg.

Psalms 48:11

Soos u Naam, o God, so strek u lof tot aan die eindes van die aarde, u regterhand is vol •geregtigheid.

Psalms 59:5

sonder dat ek sondeskuld het, hardloop hulle en neem teen my stelling in. Word wakker, sodat U my te hulp kan kom; sien dit tog raak!

Psalms 93:4

Magtiger as die gedreun van baie waters, as die branders van die see, is die Here, magtig in die hoogte.

Jesaja 57:15

Ja, so sê Hy wat hoog en verhewe is, wat vir ewig woon, wie se Naam die Heilige is: “In die hoogte, in 'n heilige plek, woon Ek, en ook by hulle wat verpletter en nederig is, om die gees van nederiges te laat herleef, om die hart van verpletterdes te laat herleef.

Openbaring 18:20

Juig oor haar, hemel, •heiliges, •apostels en profete! God het julle oordeel oor haar voltrek.”

Openbaring 19:2

Waar en regverdig is sy oordele, want Hy het die groot prostituut veroordeel, sy wat die aarde met haar hoerery verlei het, en Hy het die bloed van sy diensknegte wat deur haar hand omgekom het, gewreek. ”