Psalms 69:7 - Die Bybel 2020-vertaling

⁷ Laat hulle wat op U wag nie deur my toedoen beskaamd staan nie, Here my Heer, Heerser oor alle magte. Laat hulle wat U soek nie deur my toedoen verneder word nie, o God van Israel.

Bybel vir almal

⁷ My Here, Here wat oor alles regeer, daar is mense wat in U glo. U moenie dat hulle voel hulle verloor teen hulle vyande oor iets wat ek gedoen het nie. God van Israel, daar is mense wat glo dat U hulle sal help. U moenie dat hulle vyande hulle verneder nie.

Afrikaans 1933-1953

⁷ Laat die wat u verwag, deur my nie beskaamd staan nie, o Here, Here van die leërskare! Laat die wat U soek, deur my nie in die skande kom nie, o God van Israel!

Afrikaans 1983

⁷ Here, almagtige God, moenie dat dié wat op U vertrou, deur my toedoen teleurgestel word nie. God van Israel, moenie dat dié wat by U hulp soek, deur my toedoen beskaam word nie.

Contemporary Afrikaans Bible 2023

⁷ Want om U ontwil het ek smaad gedra; skaamte het my aangesig bedek.

Die Boodskap

⁷ Groot en magtige Here, groot Bevelvoerder, ek wil nie daardie mense wat op U vertrou, teleurstel nie. Ek wil hulle wat by U kom hulp vra, nie in die skande bring nie, God van Israel.

Nuwe Lewende Vertaling

⁷ Moenie dat hulle wat op U vertrou, deur my beskaam word nie, oppermagtige Here, die Almagtige. Moenie dat hulle wat U dien deur my verneder word nie, o God van Israel.

Psalms 69:7 Kruisverwysings

Psalms 44:15

U maak van ons 'n spotnaam onder die nasies, U laat die volke hulle koppe skud oor ons.

Psalms 44:22

sou God dit nie ontdek nie? Hy is immers die Een wat hartsgeheime ken.

Jesaja 50:6

My rug het ek gehou vir hulle wat slaan, en my wange vir hulle wat baard uitpluk. My gesig het Ek nie verberg vir beledigings en spuug nie.

Jesaja 53:3

Hy is verag, deur mense verlaat, 'n mens van smarte, bekend met siekte, soos iemand vir wie 'n mens jou gesig verberg. Hy is verag, en ons het hom nie geag nie.

Jeremia 15:15

U weet dit self, Here. Dink aan my, sien om na my, wreek my op my vervolgers. Moet my nie wegneem ter wille van u geduld met ander nie. Besef tog dat ek oor U bespotting moet verduur.

Lukas 23:11

Herodes, en ook sy soldate, het Hom met minagting behandel en Hom bespot. Hulle het vir Hom 'n deftige kleed aangetrek en Hom na Pilatus teruggestuur.

Hebreërs 12:2

die oog gerig op Jesus, die Leidsman en Voleinder van die geloof, Hy wat ter wille van die vreugde wat vir Hom in die vooruitsig gestel is, die kruis verduur het, die skande daarvan gering geag het, en sy plek aan die regterkant van die troon van God ingeneem het.