Psalms 69:24 - Die Bybel 2020-vertaling

²⁴ Mag hulle oë dof word, sodat hulle nie kan sien nie. Laat hulle heupe voortdurend meegee!

Bybel vir almal

²⁴ U moet hulle blind maak sodat hulle nie kan sien nie. U moet hulle bene lam maak sodat hulle nie kan loop nie.

Afrikaans 1933-1953

²⁴ Laat hulle oë duister word, sodat hulle nie sien nie; en maak dat hulle heupe altyddeur wankel.

Afrikaans 1983

²⁴ Laat hulle stokblind word, laat hulle gebreklik word.

Contemporary Afrikaans Bible 2023

²⁴ Stort u grimmigheid oor hulle uit, en laat u grimmigheid hulle aangryp.

Die Boodskap

²⁴ Maak hulle blind. Laat hulle bene ingee sodat hulle altyd kruppel sal wees.

Nuwe Lewende Vertaling

²⁴ Laat hulle oë blind word, en hulle liggame al swakker.

Psalms 69:24 Kruisverwysings

Psalms 79:6

Stort u gramskap uit oor die nasies wat U nie ken nie, oor die koninkryke wat u Naam nie aanroep nie;

Eksodus 15:15

Dan raak die stamhoofde van Edom beangs, bewing pak die leiers van Moab beet; al die inwoners van Kanaän sidder.

Jesaja 13:8

Hulle raak angsbevange; krampe en geboortepyne pak hulle beet – soos 'n vrou wat geboorte gee, krimp hulle ineen. Hulle staar mekaar aan – soos vlamme is hulle gesigte.

Hosea 5:10

“ Die leiers van Juda het geword soos hulle wat grenslyne verlê. Oor hulle sal Ek my gramskap uitstort soos water.

Sagaria 1:6

Maar my woorde en voorskrifte, wat Ek my dienaars die profete beveel het, het dit nie julle voorouers ingehaal nie? Hulle het tot inkeer gekom en erken, ‘Soos wat die Here, Heerser oor alle magte, beplan het om aan ons te doen, in ooreenstemming met ons lewe en ons dade, so het Hy met ons gedoen.’ ” ’ ”

Lukas 21:22

want daardie dae is dae van vergelding, sodat alles wat geskryf is, vervul sal word.

Deuteronomium 31:17

My toorn sal op daardie dag teen hulle ontbrand; Ek sal hulle verlaat en my gesig vir hulle verberg. Dan sal hulle 'n prooi wees, en baie rampe en ellende sal hulle tref. Op dié dag sal hulle sê, ‘Is dit nie omdat ons God nie in ons midde is dat hierdie rampe ons tref nie?’

Openbaring 16:1

Ek het toe 'n harde stem uit die tempel aan die sewe engele hoor sê: “Gaan en gooi die sewe bakke, gevul met die toorn van God, op die aarde uit! ”