Psalms 51:4 - Die Bybel 2020-vertaling

⁴ Was my heeltemal skoon van my sondeskuld en reinig my van my sonde

Bybel vir almal

⁴ U moet alles wegneem wat ek verkeerd gedoen het. U moet my reinig en my sonde wegwas soos 'n mens iemand skoon was.

Afrikaans 1933-1953

⁴ Was my heeltemal van my ongeregtigheid en reinig my van my sonde.

Afrikaans 1983

⁴ Was my skoon van my skuld, reinig my van my sonde!

Contemporary Afrikaans Bible 2023

⁴ Teen U alleen het ek gesondig en gedoen wat verkeerd is in U oë, sodat U geregverdig kan word as U spreek, en duidelik kan wees as U oordeel.

Die Boodskap

⁴ Delg die skuld van my sondes uit. Maak my skoon omdat my sondes my vuilgesmeer het.

Nuwe Lewende Vertaling

⁴ Was my skoon van my skuld. Reinig my van my sonde.

Psalms 51:4 Kruisverwysings

Genesis 20:6

God het vir hom in sy droom gesê: “Ook Ek weet dat jy hierdie ding met 'n eerlike hart gedoen het. En Ek het jou dan ook daarvan weerhou om teen My te sondig. Daarom het Ek jou nie toegelaat om aan haar te raak nie.

Genesis 38:7

Maar Er, Juda se eersgeborene, was sleg in die oë van die Here, en die Here het hom laat sterf.

Genesis 39:9

Hy is in hierdie huis nie belangriker as ek nie. Hy het van my niks weerhou nie, behalwe u, omdat u sy vrou is. Hoe kan ek dan hierdie verskriklike kwaad doen en teen God sondig?”

Genesis 9:6

“ Hy wat die bloed van 'n mens vergiet, deur die mens sal sy bloed vergiet word; want na die beeld van God het Hy die mens gemaak.

2 Konings 17:17

Hulle het hulle seuns en hulle dogters in die vuur geoffer, voorspellings gemaak en wiggelary beoefen. Hulle het hulle daaraan oorgegee om te doen wat verkeerd is in die oë van die Here, en Hom so uitgetart.

2 Konings 21:6

Hy het sy seun in die vuur geoffer, voortekens gelees, wiggelary beoefen en dodebesweerders en waarsêers aangestel. Hy het baie dinge gedoen wat verkeerd is in die oë van die Here, om Hom uit te tart.

Psalms 50:4

Hy roep na die hemel daarbo, en na die aarde, om sy volk te oordeel:

Psalms 50:6

Die hemel maak sy geregtigheid bekend, want God, Hy is regter. •Sela

Jesaja 43:25

Ek, ja, Ek is die Een wat ter wille van Myself jou oortredings telkens uitgewis het, jou sondes nie in herinnering geroep het nie.

Levitikus 5:19

Dit is 'n hersteloffer. Hy was beslis skuldig voor die Here.”

Lukas 15:21

Die seun sê toe vir sy vader, ‘Vader, ek het gesondig teen die hemel en in u oë. Ek is nie meer werd om u seun genoem te word nie.’

Lukas 7:29

Die hele volk wat na Hom geluister het, ook die •tollenaars, het saamgestem dat God reg gehandel het, en hulle met die doop van Johannes laat doop.

Handelinge 17:31

Want Hy het 'n dag bepaal waarop Hy die wêreld in regverdigheid gaan oordeel deur 'n Man wat Hy daarvoor aangewys het. En Hy het dit aan almal bevestig deur Hom uit die dood te laat opstaan.”

Romeine 2:5

Deur jou hardkoppigheid en onbekeerlike hart is jy besig om toorn teen jouself op te stapel op die dag van toorn, wanneer die regverdige oordeel van God geopenbaar sal word.

Romeine 3:4

Hoegenaamd nie. Al is elke mens vals, laat God waaragtig wees. Soos daar geskryf staan, “sodat U reg bewys kan word deur u woorde, en U sal wen wanneer U oordeel”.

Jakobus 2:11

Want Hy wat gesê het, “Jy mag nie egbreuk pleeg nie,” het ook gesê: “Jy mag nie moord pleeg nie.” As jy dus nie egbreuk pleeg nie, maar wel moord pleeg, is jy 'n oortreder van die wet.

Jakobus 2:9

As julle egter mense volgens hulle uiterlike beoordeel, doen julle sonde, en word julle deur die wet as oortreders aan die kaak gestel.

Openbaring 16:5

Toe het ek die engel van die water hoor sê: “U is regverdig, U wat is en wat was, die Heilige, omdat U oor hierdie dinge geoordeel het;

Openbaring 19:11

Toe het ek gesien dat die hemel geopen is. En kyk, daar was 'n wit perd! Hy wat daarop sit, word getrou en waar genoem, en met regverdigheid oordeel Hy en voer Hy oorlog.