Psalms 5:5 - Die Bybel 2020-vertaling

⁵ Ja, U is 'n God wat goddeloosheid nie duld nie; boosheid kan by U nie vertoef nie.

Bybel vir almal

⁵ want U is 'n God wat nie hou van verkeerde dinge nie. Slegte dinge gebeur nie by U nie.

Afrikaans 1933-1953

⁵ Want U is nie 'n God wat behae het in goddeloosheid nie; die kwaaddoener sal by U nie vertoef nie.

Afrikaans 1983

⁵ U is nie 'n God wat onreg verdra nie, die kwaad het by U geen plek nie.

Contemporary Afrikaans Bible 2023

⁵ Die dwase sal voor u oë nie bestaan nie; u haat al die werkers van ongeregtigheid.

Die Boodskap

⁵ Here, U hou niks van slegte dinge nie. Daarom sal iemand wat kwaad doen, nooit by U tuis voel nie.

Nuwe Lewende Vertaling

⁵ O God, U verdra geen boosheid nie; en sonde vind by U geen tuiste nie.

Psalms 5:5 Kruisverwysings

Psalms 1:5

Daarom sal goddeloses nie kan opstaan tydens die regspraak, of sondaars in die byeenkoms van •regverdiges nie.

Psalms 10:3

Ja, 'n goddelose spog oor sy hartsbegeertes, en terwyl hy wins maak, vervloek en verag hy die Here.

Psalms 11:5

Die Here – 'n regverdige toets Hy, maar in 'n goddelose en iemand wat geweld liefhet, het Hy 'n weersin.

Psalms 130:3

As U sondeskuld toereken, Here – my Heer, wie kan dan staande bly?

Psalms 14:1

Vir die •musiekleier. Van Dawid. Dwase sê in hulle harte: Daar is geen God nie. Hulle tree gruwelik en afstootlik op. Daar is nie een wat goed doen nie.

Psalms 73:3

Want ek het verwaande mense beny; ek het die voorspoed van goddeloses gesien.

Psalms 75:4

Die aarde en al sy bewoners kan wankel – Ek self het sy pilare gevestig.” •Sela

Psalms 92:6

Hoe groot is u werke, Here, hoe uitermate diep u gedagtes!

Psalms 94:8

Sien dit tog in, julle onverstandiges onder die volk! En dwase, wanneer word julle wys?

Spreuke 1:22

“ Hoe lank nog gaan julle, onkundiges, onkunde liefhê, gaan spotters 'n geklets waardevol ag, en gaan dwase kennis haat?

Spreuke 1:7

Ontsag vir die Here is die begin van kennis; wysheid en vermaning – net sotte verag dit.

Spreuke 15:9

Afstootlik vir die Here is die pad van 'n goddelose, maar wie geregtigheid nastreef, vir hom is Hy lief.

Spreuke 8:5

Kry tog insig in vernuf, onverstandiges; onnoseles, bring die hart tot insig!

Prediker 5:4

Dit is beter dat jy nie beloof nie as dat jy beloof en nie betaal nie.

Hosea 9:15

“ Al hulle boosheid het in Gilgal begin, ja, daar het Ek 'n weersin in hulle gekry. Oor die boosheid van hulle dade gaan Ek hulle uit my huis verdryf; Ek sal hulle nie verder liefhê nie. Al hulle leiers is opstandig.

Levitikus 20:23

Julle mag nie die gebruike volg van die nasies wat Ek voor julle gaan uitdryf nie, want hulle het al hierdie dinge gedoen, en Ek het 'n afsku in hulle gehad.

Habakuk 1:13

U wie se oë te rein is om boosheid te aanskou, wat nie kan toekyk waar daar leed is nie – waarom kyk U toe as mense verraderlik optree; waarom swyg U wanneer goddeloses dié verswelg wat regverdiger is as hulle?

Sagaria 11:8

Van drie herders het ek in een maand ontslae geraak. Ek het ongeduldig geraak met hulle; ook hulle het 'n afkeer in my gekry.

Matteus 25:41

“Dan sal Hy vir dié aan sy linkerhand sê, ‘Gaan weg van My, julle vervloektes, in die ewige vuur, wat gereedgemaak is vir die Duiwel en sy engele.

Matteus 7:23

Dan sal Ek openlik vir hulle sê, ‘Ek het julle nooit geken nie. Gaan weg van My, julle wat wetteloosheid bedryf!’ ”