Psalms 5:3 - Die Bybel 2020-vertaling

³ Slaan ag op my noodkreet, my Koning en my God, want tot U bid ek!

Bybel vir almal

³ My Koning en my God, U moet hoor wanneer ek vra dat U my moet help, want dit is tot U wat ek bid.

Afrikaans 1933-1953

³ Gee ag op die stem van my hulpgeroep, my Koning en my God, want tot U bid ek.

Afrikaans 1983

³ Gee tog aandag aan my hulpgeroep, my Koning en my God, want tot U bid ek.

Contemporary Afrikaans Bible 2023

³ My stem sal U in die môre hoor, o HERE; in die môre sal ek my gebed tot U rig en opkyk.

Die Boodskap

³ Red my as ek om hulp kom smeek. U is my God, die Een wat my lewe beheer. Daarom bid ek tot U.

Nuwe Lewende Vertaling

³ Luister tog na my geroep om hulp, my Koning en my God, want dis tot U dat ek bid.

Psalms 5:3 Kruisverwysings

Job 34:28

sodat die hulpgeroep van armes Hom kan bereik, en Hy die noodkreet van magteloses kan hoor.

Psalms 119:147

Voor die oggendskemer roep ek al om hulp; op u woorde wag ek.

Psalms 130:2

My Heer, hoor tog my stem, laat u ore aandagtig luister na my smeekbedes.

Psalms 130:6

My hele wese wag op my Heer, meer as wagte op die môre, ja, wagte op die môre.

Psalms 145:1

'n Loflied. Van Dawid. Ek wil U verheerlik, o Koning, my God; ek wil u Naam prys vir altyd en altyd.

Psalms 22:2

My God, my God, waarom het U my verlaat? Waarom is U ver daarvan om my te verlos, ver van die woorde wat ek uitskreeu?

Psalms 44:5

Ú is my koning, my God. Gebied dan die verlossing van Jakob!

Psalms 55:17

Ek, ek roep tot God, en die Here sal my verlos.

Psalms 69:16

Laat vloedwater my nie meesleur nie, die diepte my nie verswelg nie. Laat die put nie sy mond bo my toemaak nie.

Psalms 74:12

God is my koning van die vroegste tye af, Hy wat verlossingsdade verrig hier op aarde.

Psalms 84:4

Selfs 'n mossie vind 'n tuiste, en 'n swaeltjie haar nes waarin sy haar kleintjies neerlê, by u altare, Here, Heerser oor alle magte, my Koning en my God!

Psalms 88:13

Is u wonders bekend in die duisternis, en u geregtigheid in die land van vergetelheid?

Jesaja 26:9

Met my hele wese smag ek na U in die nag, ja, my gees in my binneste soek na U. Want wanneer u oordele die aarde tref, leer die bewoners van die wêreld wat reg is.

Klaagliedere 3:56

U het my stem gehoor. Moet tog nie u ore sluit vir my geroep om uitkoms nie.

Markus 1:35

Vroegoggend, toe dit nog stikdonker was, het Hy opgestaan, buitentoe gegaan en na 'n verlate plek vertrek. Daar het Hy gebid.