Psalms 47:4 - Die Bybel 2020-vertaling

⁴ Hy onderwerp volke aan ons, nasies onder ons voete.

Bybel vir almal

⁴ Hy het ons laat wen teen ander volke, hulle moet ons dien.

Afrikaans 1933-1953

⁴ Hy bring volke onder ons en nasies onder ons voete.

Afrikaans 1983

⁴ Hy het volke aan ons onderwerp en nasies aan ons onderhorig gemaak;

Contemporary Afrikaans Bible 2023

⁴ Hy sal ons erfdeel vir ons uitkies, die heerlikheid van Jakob wat Hy liefgehad het. Sela.

Die Boodskap

⁴ Hy regeer oor alles. Wat Hy wil hê, gebeur net so. Ons vyande het geen kans teen Hom nie; met gemak vee Hy hulle eenkant toe.

Nuwe Lewende Vertaling

⁴ Hy onderwerp volke aan ons, maak mense onderhorig aan ons.

Psalms 47:4 Kruisverwysings

Psalms 136:22

as erfdeel aan Israel sy dienskneg – want vir ewig duur sy troue liefde –

Psalms 16:3

Wat die heiliges in die land betref, ja, die magtiges, by wie ek al my vreugde gevind het:

Jesaja 60:15

In plaas daarvan dat jy verlate en gehaat is, sonder enige verbygangers, sal Ek jou 'n voorwerp van ewige trots maak, 'n vreugde van geslag tot geslag.

Jeremia 3:19

“ En Ek, Ek het gedink: Hoe kan Ek jou tussen die seuns opneem, vir jou 'n begeerlike land gee – as erfenis die heel beste van die sierade van nasies. Ek het gedink: My Vader sal julle my noem, en van My nie wegdraai nie.

Esegiël 20:6

Op daardie dag het Ek my hand vir hulle opgehef dat Ek hulle uit Egipteland sal uitlei na 'n land wat Ek vir hulle uitgesoek het, 'n land wat oorloop van melk en heuning; dit is 'n sieraad onder al die lande.

Hosea 14:4

Assirië kan ons nie red nie, op perde wil ons nie ry nie, en ons sal nie meer ons handewerk ‘ons god’ noem nie; want net by U vind die vaderlose ontferming.”

Amos 6:8

My Heer, die Here, het by Homself gesweer; die uitspraak van die Here, die God van alle magte, is: “Ek verafsku die hoogmoed van Jakob, en sy vestings haat Ek. Ek gaan die stad en alles daarin oorlewer.”

Amos 8:7

Die Here het gesweer by die trots van Jakob: “Ek sal al hulle dade in ewigheid nie vergeet nie.

Nahum 2:2

Want die Here herstel die trots van Jakob soos wat die trots van Israel eers was, al het verwoesters hulle verwoes en hulle wingerdranke vernietig.

Maleagi 1:2

“Ek het julle lief,” sê die Here, maar julle vra: “Hoe het U ons lief?” Die uitspraak van die Here is: “Is Esau nie Jakob se broer nie? Tog het Ek Jakob lief,

Matteus 25:34

Dan sal die Koning vir dié aan sy regterhand sê, ‘Julle, geseëndes van my Vader, kom beërf die koninkryk, wat vir julle gereedgemaak is van die grondlegging van die wêreld af.

Efesiërs 1:18

en dat die oë van julle harte verlig mag wees, sodat julle kan insien wat die hoop is wat sy roeping bied, wat die heerlike rykdom van sy erfenis vir die heiliges behels,

Deuteronomium 11:12

Dit is 'n land waarvoor die Here jou God bly sorg. Die Here jou God hou voortdurend sy oog daaroor – van die begin tot die einde van die jaar.

Deuteronomium 33:3

ja, Hy het mense lief. Al die heiliges is in u hand, hulle volg U op die voet; elkeen het u uitsprake ontvang –

1 Petrus 1:4

op 'n erfenis wat nooit vergaan, besmet word of verwelk nie, en wat in die hemel vir julle in bewaring gehou word –