Psalms 3:6 - Die Bybel 2020-vertaling

⁶ Ek kan gaan lê, aan die slaap raak en wakker word, want die Here onderskraag my.

Bybel vir almal

⁶ Ek gaan lê en slaap, en ek word weer wakker, want die Here beskerm my.

Afrikaans 1933-1953

⁶ Ek het gaan lê en aan die slaap mag raak; ek het wakker geword, want die Here ondersteun my.

Afrikaans 1983

⁶ As ek gaan lê, slaap ek goed; ek word ook weer wakker, want die Here sorg vir my.

Contemporary Afrikaans Bible 2023

⁶ Ek sal nie bang wees vir tienduisende mense wat hulle rondom my teen my opgestel het nie.

Die Boodskap

⁶ In die aand kan ek gaan slaap sonder om te lê en rondrol van bekommernis. In die môre word ek rustig wakker, want ek weet die Here sal my krag gee om my probleme op te los.

Nuwe Lewende Vertaling

⁶ Ek het gaan lê en slaap en weer wakker geword, want die Here het oor my waggehou.

Psalms 3:6 Kruisverwysings

2 Samuel 18:7

Daar is die manskappe van Israel verslaan deur die dienaars van Dawid. Op daardie plek was daar dié dag 'n groot slagting – twintigduisend man.

Psalms 2:2

Die konings van die aarde neem stelling in en die heersers span saam teen die Here en sy gesalfde:

Psalms 23:4

Selfs as ek in die donkerste kloof ingaan, is ek nie bang vir gevaar nie, want U is by my. Dit is u staf en u stok wat my gerusstel.

Psalms 46:2

God is vir ons 'n skuilplek en 'n bron van krag; as hulp in benoudheid is Hy altyd te vinde.

Psalms 46:7

Nasies was onstuimig, koninkryke het gewankel, Hy het sy stem laat hoor; die aarde sidder.

Spreuke 3:24

As jy gaan lê, sal jy nie verskrik wees nie, as jy lê, sal jou slaap soet wees.

Spreuke 6:22

Wanneer jy rondgaan, sal dit jou lei; wanneer jy slaap, sal dit oor jou wag hou; wanneer jy wakker word, sal dít jou besig hou.

Romeine 8:31

Wat sal ons dan hiervan sê? As God vir ons is, wie kan teen ons wees?