Psalms 3:4 - Die Bybel 2020-vertaling

⁴ Maar U, Here, is vir my 'n skild aan alle kante; U is my eer, en die Een wat my kop hoog hou.

Bybel vir almal

⁴ Maar, Here, U is vir my soos 'n skild, U beskerm my van al die kante. U maak my belangrik, mense respekteer my.

Afrikaans 1933-1953

⁴ Maar U, Here, is 'n skild wat my beskut, my eer en die Een wat my hoof ophef.

Afrikaans 1983

⁴ Maar U, Here, beskerm my aan alle kante, U herstel my eer en aansien.

Contemporary Afrikaans Bible 2023

⁴ Ek het die HERE aangeroep met my stem, en Hy het my gehoor van sy heilige berg af. Sela.

Die Boodskap

⁴ Maar, Here, U beskerm my van alle kante teen hulle. Hulle sal my nie in die grond in trap nie. U help my om nie die handdoek in te gooi nie.

Nuwe Lewende Vertaling

⁴ Maar U, Here, is ’n skild rondom my. U herstel my eer, U lig my kop weer op.

Psalms 3:4 Kruisverwysings

Genesis 15:1

Ná verloop van tyd het die woord van die Here tot Abram gekom in 'n visioen: “Moenie bang wees nie, Abram! Ek is 'n skild vir jou. Jou loon is baie groot.”

Psalms 119:114

My skuilplek en my skild is U; op u woord vestig ek my hoop.

Psalms 138:3

Die dag toe ek geroep het, het U my geantwoord. U maak my innerlik sterker.

Psalms 18:3

Die Here is my rotsvesting, my bergskuiling, my bevryder. My God is my rots by wie ek skuil, my skild en die horing van my redding, my toevlugsoord.

Psalms 2:6

“Ek self het my koning gesalf op Sion, my •heilige berg.”

Psalms 27:6

Daarom is my kop hoog bo my vyande rondom my. Ek wil met uitroepe van vreugde offers bring in sy tent, ek wil sing, ek wil die Here besing.

Psalms 28:7

Die Here is my krag en my skild; op Hom vertrou my hart. Ja, ek het hulp ontvang en my hart jubel, met my lied wil ek Hom prys:

Psalms 34:4

Maak saam met my die Naam van die Here groot, ja, laat ons saam sy Naam verheerlik.

Psalms 34:6

Verdruktes kyk op na Hom en hulle straal; hulle gesigte hoef nie rooi van skaamte te wees nie.

Psalms 43:3

Stuur u lig en u waarheid; laat dit my lei, my bring na u •heilige berg en na u woonplek,

Psalms 50:15

Roep My aan in 'n tyd van nood; Ek sal jou red, en jy sal My eer.”

Psalms 62:8

By God lê my verlossing, my eer. My sterk rots, my skuilplek, vind ek in God.

Psalms 84:12

Ja, 'n son en skild is die Here God; genade en eer is wat die Here skenk. Hy hou wat goed is nie terug van hulle wat onberispelik leef nie.

Psalms 89:19

Want aan die Here behoort ons skild, aan die •Heilige van Israel behoort ons koning.

Psalms 91:15

Hy sal My aanroep, en Ek sal hom antwoord. Ek sal by hom wees in nood; Ek sal hom red en aan hom eer gee.

Psalms 99:9

Verheerlik die Here, ons God, buig in aanbidding voor sy heilige berg, want heilig is die Here, ons God.

Spreuke 2:7

Vir die opregtes hou Hy vindingrykheid in bewaring, as 'n skild vir hulle wat onberispelik leef,

Jesaja 65:24

Nog voordat hulle roep, sal Ek hulle antwoord; hulle sal nog besig wees om te praat, dan verhoor Ek hulle al.

Klaagliedere 3:56

U het my stem gehoor. Moet tog nie u ore sluit vir my geroep om uitkoms nie.

Matteus 7:7

“Vra, en vir julle sal gegee word; soek, en julle sal vind; klop, en vir julle sal oopgemaak word.

Jakobus 5:13

As iemand van julle swaarkry, moet hy bid. As iemand opgeruimd is, moet hy psalms sing.