Psalms 24:7 - Die Bybel 2020-vertaling

⁷ Lig op julle koppe, poorte, ja, lig julleself op, ewige ingange, sodat die roemryke Koning kan ingaan.

Bybel vir almal

⁷ Poorte, julle moet wyd oopgaan, deure wat baie oud is, julle moet wyd oopgaan, want die Koning van die konings wil ingaan.

Afrikaans 1933-1953

⁷ Hef op julle hoofde, o poorte, ja, verhef julle, ewige deure, dat die Erekoning kan ingaan!

Afrikaans 1983

⁷ Verbly julle, poorte, wees bly, eeue-oue deure, want die magtige Koning wil ingaan!

Contemporary Afrikaans Bible 2023

⁷ Verhef julle hoofde, o poorte! en verhef julle, ewige deure! en die erekoning sal inkom.

Die Boodskap

⁷ Poorte, staan gereed en swaai oop, want die magtige Koning wil ingaan. Wees bly daaroor!

Nuwe Lewende Vertaling

⁷ Word hoër, o poorte! Word nog hoër, eeue oue deure, sodat die roemryke Koning kan ingaan.

Psalms 24:7 Kruisverwysings

2 Samuel 6:17

Hulle het die ark van die Here ingeneem en dit op sy plek neergesit binne-in die tent wat Dawid daarvoor opgeslaan het. Toe het Dawid •brandoffers en •maaltydoffers voor die Here gebring.

1 Konings 8:11

Die priesters kon vanweë die wolk nie bly staan om hulle dienswerk te doen nie, want die heerlikheid van die Here het die huis van die Here gevul.

1 Konings 8:6

Die priesters het die verbondsark van die Here na sy plek geneem, na die heiligdom van die •tempel, na die •Allerheiligste, na sy plek onder die vlerke van die gerubs;

Psalms 132:8

Staan op, Here, gaan na u rusplek, U en u magtige •ark.

Psalms 21:1

Vir die •musiekleier. 'n Psalm. Van Dawid.

Psalms 21:5

Lewe het hy van U gevra en U het dit aan hom gegee, 'n lang leeftyd, vir altyd en ewig.

Psalms 97:6

Die hemele verkondig sy geregtigheid, en al die volke sien sy majesteit.

Jesaja 26:2

Maak oop die poorte, sodat 'n regverdige nasie kan ingaan, hulle wat getrou bly!

Jesaja 62:10

Gaan deur, gaan deur die poorte, maak die pad vir die volk gereed. Vul op, vul die grootpad op! Vul dit op! Verwyder die klippe! Hou 'n banier omhoog vir die volke.

Miga 4:8

En jy, wagtoring van die kudde, vesting van die dogter van Sion, na jou sal dit kom, ja, die vroeëre heerskappy is op pad – die koningskap vir die dogter van Jerusalem.”

Haggai 2:7

Ek sal al die nasies laat bewe en hulle sal kom met al hulle skatte en Ek sal hierdie huis met heerlikheid vul,’ sê die Here, Heerser oor alle magte.

Haggai 2:9

‘Die heerlikheid van hierdie huis sal groot wees, nog groter as tevore,’ sê die Here, Heerser oor alle magte. ‘En op hierdie plek sal Ek vrede gee,’ is die uitspraak van die Here, Heerser oor alle magte.”

Maleagi 3:1

“Kyk, Ek gaan my boodskapper stuur en hy sal 'n pad voor My gereedmaak. Onverwags sal hy na sy •tempel kom, die heer na wie julle soek, die boodskapper van die verbond na wie julle uitsien. Kyk, hy gaan kom, ” sê die Here, Heerser oor alle magte.

Markus 16:19

Nadat die Here Jesus met hulle gepraat het, is Hy in die hemel opgeneem en het aan die regterhand van God gaan sit.

1 Korinthiërs 2:8

en wat nie een van die heersers van hierdie wêreld geken het nie; want as hulle het, sou hulle nie die Here van heerlikheid gekruisig het nie.

Jakobus 2:1

My broers, julle geloof in ons Here Jesus •Christus, die Here van die heerlikheid, moet so wees dat julle nie iemand na die uiterlike beoordeel nie.

1 Petrus 3:22

Hy wat aan die regterhand van God is, nadat Hy die hemel binnegegaan het, en engele, magte en kragte aan Hom onderwerp is.

2 Petrus 3:18

Sorg dat julle aanhou groei in die genade en kennis van ons Here en Verlosser, Jesus •Christus. Aan Hom behoort die heerlikheid, nou en ook tot op die dag van die ewigheid. •Amen.

Openbaring 4:11

“U is waardig, ons Here en God, om die heerlikheid en die eer en die krag te ontvang, omdat U alle dinge geskep het; deur u wil het alles ontstaan, is dit geskep.”