Psalms 21:8 - Die Bybel 2020-vertaling

⁸ Omdat die koning vertrou op die Here, op die troue liefde van die Allerhoogste, sal hy nie wankel nie.

Bybel vir almal

⁸ Die koning weet dat die Here doen wat Hy sê, die koning is veilig, want die Hoogste God doen wat Hy belowe het.

Afrikaans 1933-1953

⁸ Want die koning vertrou op die Here, en deur die goedertierenheid van die Allerhoogste sal hy nie wankel nie.

Afrikaans 1983

⁸ Die koning vertrou op die Here en deur die trou van die Allerhoogste struikel hy nie.

Contemporary Afrikaans Bible 2023

⁸ U hand sal al u vyande uitvind; u regterhand sal die wat u haat, uitvind.

Die Boodskap

⁸ Die koning vertrou die Here heeltemal. Omdat die Allerhoogste getrou is, loop niks vir hom verkeerd nie.

Psalms 21:8 Kruisverwysings

2 Samuel 7:1

Toe die koning gevestig was in sy paleis, en die Here hom rus gegee het van al sy vyande rondom hom,

Psalms 109:20

Mag dít van die Here se kant die straf wees vir hulle wat my vyandiggesind is, en wat onheil oor my lewe uitspreek!

Psalms 16:8

Ek hou die Here altyd voor oë; omdat Hy aan my regterkant is, sal ek nie struikel nie.

Psalms 18:1

Vir die •musiekleier. Van die dienskneg van die Here. Van Dawid. Hy het die woorde van hierdie lied vir die Here voorgedra in die tyd toe die Here hom gered het uit die hand van al sy vyande en uit die hand van Saul.

Psalms 2:9

Jy sal hulle verpletter met 'n ystersepter, soos erdewerk sal jy hulle stukkend slaan.”

Psalms 72:9

Voor hom sal die woestynbewoners kniel, en sy vyande sal stof lek.

Jesaja 10:10

Soos my hand die koninkryke van nuttelose afgode bekom het, hulle wie se gesnede beelde dié van Jerusalem en Samaria oortref het –

Lukas 19:14

Sy burgers het hom egter gehaat, en het 'n afvaardiging agter hom aangestuur om te sê, ‘Ons wil nie hê dat hierdie man oor ons heers nie.’

Lukas 19:27

En daardie vyande van my wat nie wou gehad het dat ek koning oor hulle moes wees nie, bring hulle hierheen en maak hulle hier voor my dood.’ ”

1 Korinthiërs 15:25

Want Christus moet as koning regeer totdat “Hy al die vyande onder sy voete gestel het”.

Openbaring 19:15

Uit sy mond het 'n vlymskerp swaard gekom om die nasies mee te tref, en Hy sal hulle met 'n ysterstaf regeer. Hy sal ook self die parskuip van die geweldige toorn van God, die Almagtige, trap.

1 Samuel 25:29

En wanneer mense opstaan om u te agtervolg en u lewe bedreig, mag die lewe van my heer dan toegebind wees in die sakkie van die lewendes by die Here, u God. Maar die lewens van u vyande, mag Hy dit wegslinger uit die holte van 'n slingervel.

1 Samuel 31:3

Die geveg het verhewig teen Saul, en toe die skutters, die manne met die boog, op hom afkom, het hy onbedaarlik gebewe vir die boogskutters.