Psalms 2:9 - Die Bybel 2020-vertaling

⁹ Jy sal hulle verpletter met 'n ystersepter, soos erdewerk sal jy hulle stukkend slaan.”

Bybel vir almal

⁹ Jy sal hard oor hulle regeer, soos 'n koning met 'n yster-septer. Jy sal met hulle doen wat jy wil, soos wanneer iemand 'n kleipot stukkend slaan.”

Afrikaans 1933-1953

⁹ U sal hulle verpletter met 'n ysterstaf, U sal hulle stukkend slaan soos 'n erdepot.

Afrikaans 1983

⁹ Jy sal hulle verpletter met jou ystersepter, hulle flenters slaan soos 'n kleipot.”

Contemporary Afrikaans Bible 2023

⁹ Jy moet hulle met 'n ysterstaf breek; jy moet hulle stukkend slaan soos 'n pottebakker se pot.

Die Boodskap

⁹ Jy sal hulle met ’n ysterhand regeer. Die een wat nie na jou luister nie, gaan teëspoed kry.”

Nuwe Lewende Vertaling

⁹ Met ’n ysterstaf sal jy hulle stukkend slaan, soos ’n kleipot hulle verpletter.”

Psalms 2:9 Kruisverwysings

Psalms 89:23

Vyande sal hom nie onverhoeds betrap nie, en skurke sal hom nie verdruk nie.

Jesaja 30:14

Dit sal gebreek word soos 'n pottebakkerskruik breek – dit word genadeloos stukkend geslaan, sodat tussen die stukkies geen potskerf gevind kan word om kole uit die vuurmaakplek te haal of water uit 'n kuil te skep nie.”

Jesaja 60:12

Ja, die nasie en die koninkryk wat jou nie dien nie, sal ondergaan; sulke nasies sal volledig verwoes word.

Jeremia 13:14

Ek sal hulle stukkend stamp, die een teen die ander, vaders en kinders saam,” ’ ” is die uitspraak van die Here. “ ‘ “Ek sal geen deernis hê nie, hulle nie jammer kry of My oor hulle ontferm deur hulle nie te vernietig nie.” ’ ”

Jeremia 19:11

Jy moet vir hulle sê, ‘So sê die Here, Heerser oor alle magte: “Só sal Ek hierdie volk en hierdie stad breek – soos mens die kleipot van 'n pottebakker breek, sodat dit nie weer heelgemaak kan word nie. In Tofet sal mense begrawe word weens gebrek aan begraafplek.

Daniël 2:44

In die tyd van daardie konings sal die God van die hemel 'n koninkryk vestig wat vir ewig nie vernietig sal word of aan 'n ander volk oorgelaat sal word nie. Hierdie koninkryk sal al daardie ander verpletter en tot 'n einde bring, en dit sal standhou vir ewig.

Daniël 2:45

U het daarom gesien dat 'n klip uit die berg vanself losbreek, nie deur die toedoen van mensehande nie, en dat dit die yster, koper, klei, silwer en goud verpletter. 'n Groot God het aan die koning bekend gemaak wat hierna gaan gebeur. Die droom is waar en die uitleg daarvan is betroubaar.”

Miga 5:8

Mag jy die oorhand hê oor jou teenstanders; ja, al jou vyande – laat hulle uitgeroei word!”

Matteus 21:44

Wie op hierdie klip val, sal verpletter word; en as dit op iemand val, sal dit hom vergruis.”

Openbaring 12:5

Sy het geboorte geskenk aan 'n manlike kind, bestem om al die nasies met 'n ysterstaf te regeer. En haar kind is weggevoer na God en sy troon.

Openbaring 19:15

Uit sy mond het 'n vlymskerp swaard gekom om die nasies mee te tref, en Hy sal hulle met 'n ysterstaf regeer. Hy sal ook self die parskuip van die geweldige toorn van God, die Almagtige, trap.