Psalms 18:7 - Die Bybel 2020-vertaling

⁷ In my benoudheid het ek na die Here bly roep; na my God het ek om hulp geroep. In sy paleis het Hy my stem gehoor; my hulpgeroep voor Hom het sy ore bereik.

Bybel vir almal

⁷ Wanneer dit sleg gaan, dan skree ek: Here! Ek roep na my God, ek vra dat Hy my moet help. Hy hoor my stem in sy paleis, Hy hoor wanneer ek na Hom roep en vra Hy moet my help.

Afrikaans 1933-1953

⁷ Toe ek benoud was, het ek die Here aangeroep, en ek het tot my God geroep om hulp; Hy het my stem uit sy paleis gehoor, en my hulpgeroep voor sy aangesig het in sy ore gekom.

Afrikaans 1983

⁷ In my nood roep ek na die Here, ja, ek roep om hulp na my God. In sy paleis hoor Hy my geroep. Ek roep na Hom om hulp, en Hy luister na my.

Contemporary Afrikaans Bible 2023

⁷ Toe het die aarde gebewe en gebewe; En die fondamente van die heuwels het geswaai en geskud, omdat Hy toornig was.

Die Boodskap

⁷ Toe het ek na die Here geroep. Ek het Hom gevra om my asseblief te help ... en my God het my gehoor! Daar waar Hy bly, luister Hy na my as ek roep.

Nuwe Lewende Vertaling

⁷ In my angs het ek tot die Here geroep, tot my God geroep om hulp. In sy heiligdom het Hy geluister; my hulpgeroep het Hy gehoor.

Psalms 18:7 Kruisverwysings

Psalms 34:16

Die oë van die Here is op die regverdiges, sy ore op hulle hulpgeroep.

Psalms 34:18

Regverdiges roep om hulp en die Here luister, uit al hulle benoudhede red Hy hulle.

Psalms 39:13

“Hoor tog my gebed, Here, en luister na my hulpgeroep; moenie swyg by my trane nie, want 'n •vreemdeling is ek by U, 'n bywoner, soos al my voorgeslagte.

Psalms 40:2

Ek het op die Here bly wag, Hy het na my afgebuig en my hulpgeroep gehoor.

Psalms 46:2

God is vir ons 'n skuilplek en 'n bron van krag; as hulp in benoudheid is Hy altyd te vinde.

Jeremia 4:24

Ek het na die berge gekyk, en kyk, hulle het geskud, en al die heuwels het gebewe!

Habakuk 3:10

Berge het U gesien, hulle het ineengekrimp; 'n donderende wolkbreuk het verbygetrek; die •oerwater het sy stem laat hoor. Hoog het die son sy hande gelig; die maan het stilgestaan in sy hoë woning, vir die lig van u pyle wat verbyvlieg, vir die glans van u blitsende spies.

Habakuk 3:6

Hy het gaan staan, en die aarde laat bewe; Hy het net gekyk, en die nasies laat opspring. Die oeroue berge het verbrokkel, die ewige heuwels het laag gebuk. Die ewige wentelbane van die sterre behoort immers aan Hom.

Sagaria 14:4

Op daardie dag sal sy voete staan op die Olyfberg, wat voor Jerusalem aan die oostekant lê. Die Olyfberg sal middeldeur skeur van oos na wes, 'n baie groot vallei sal ontstaan. Die een helfte van die berg sal verskuif na die noorde en die ander helfte na die suide.

Matteus 28:2

Skielik was daar 'n groot aardbewing, want 'n engel van die Here het uit die hemel neergedaal, nader gegaan, die steen weggerol en daarop gaan sit.

Handelinge 4:31

Terwyl hulle gebid het, is die plek waar hulle bymekaar was, geskud en almal is vervul met die Heilige Gees, en het die woord van God met vrymoedigheid verkondig.

1 Korinthiërs 13:2

En al profeteer ek, en begryp ek alle geheime, en besit ek alle kennis, en al het ek al die geloof om berge te versit, maar ek het nie liefde nie, is ek niks!

Deuteronomium 32:22

Want 'n vuur is aangesteek in my toorn, en dit brand tot in die •doderyk daar onder. Dit verteer die aarde en sy opbrengs, dit laat die fondamente van die berge in vlamme opgaan.

Rigters 5:4

Here, toe U uitgetrek het uit Seïr, toe U vooruit gestap het uit die gebied van Edom, het die aarde gebewe; selfs die hemel het gegiet, ja, die wolke het water gegiet.