Psalms 146:7 - Die Bybel 2020-vertaling

⁷ wat die reg van verdruktes handhaaf, aan hongeres brood gee. Die Here laat gevangenes vry;

Bybel vir almal

⁷ Die Here doen reg aan mense wanneer ander mense hulle verdruk. Hy gee kos vir honger mense, Hy maak gevangenes vry.

Afrikaans 1933-1953

⁷ wat aan die verdruktes reg doen, wat aan die hongeriges brood gee. Die Here maak die gevangenes los.

Afrikaans 1983

⁷ Hy laat reg geskied aan verdruktes en gee brood aan dié wat honger ly. Die Here bevry die gevangenes,

Contemporary Afrikaans Bible 2023

⁷ wat oordeel aan die verdruktes voltrek, wat aan die hongeriges voedsel gee. Die HERE maak die gevangenes los:

Die Boodskap

⁷ Die Here sorg dat mense wat swaarkry, reg behandel word. Hy sorg dat mense genoeg het om van te leef. Hy haal mense uit die tronk.

Nuwe Lewende Vertaling

⁷ wat reg laat geskied aan verdruktes, en kos gee vir dié wat honger is. Die Here bevry die gevangenes.

Psalms 146:7 Kruisverwysings

Psalms 10:18

om aan die weeskind en die onderdrukte reg te laat geskied. Niemand sal meer voortgaan om mense uit die land te verdryf nie.

Psalms 103:6

Die Here handhaaf geregtigheid, die regte van almal wat verdruk word.

Psalms 12:5

hulle wat sê: “Danksy ons tonge is ons sterk; ons lippe is onder ons beheer. Wie is heer oor ons?”

Psalms 136:25

Hy wat kos gee aan alles wat leef – want vir ewig duur sy troue liefde.

Psalms 142:7

Gee tog aandag aan my klaagroep, want ek is baie nietig. Red my van my vervolgers, want hulle is te sterk vir my.

Psalms 35:10

My hele wese sal sê: “Here, wie is soos U, wat die magtelose red van dié wat sterker as hy is, ja, die magtelose en behoeftige van dié wat hom beroof?”

Psalms 68:6

'n Vader vir vaderloses, 'n regter vir weduwees, is God in sy •heilige woonplek.

Psalms 68:7

God laat eensames weer in 'n huisgesin woon, Hy lei gevangenes uit na voorspoed, maar hardkoppiges woon in 'n verskroeide land.

Psalms 72:4

Hy sal die magteloses van die volk se regte handhaaf, die kinders van behoeftiges verlos, maar onderdrukkers verpletter.

Psalms 9:16

Nasies het weggesink in die vangkuil wat hulle gemaak het; in daardie vangnet wat hulle gespan het, is hulle voete gevang.

Jesaja 61:1

Die Gees van my Heer, die Here is op my, omdat die Here my gesalf het. Hy het my gestuur om 'n goeie boodskap te bring aan magteloses, om dié met gebroke harte se wonde te verbind, om dié wat weggevoer is se vrylating aan te kondig en bevryding vir dié wat geboei is,

Jesaja 9:4

Ja, elke stewel wat stamp met 'n gedreun, en elke kledingstuk wat in bloed gerol is, is bestem vir verbranding, is kos vir die vuur.

Jeremia 31:14

Ek sal die priesters verkwik met olie, en my volk sal met my goedheid versadig word,’ ” is die uitspraak van die Here.

Maleagi 3:5

“Ek sal na julle toe kom vir die oordeel en Ek sal sonder om te huiwer 'n getuie wees teen towenaars, egbrekers en wie vals sweer; teen hulle wat dagloners, weduwees en vaderlose kinders verdruk en hulle wat •vreemdelinge wegwys en nie ontsag vir My het nie,” sê die Here, Heerser oor alle magte.

Lukas 1:53

Hongeriges versadig Hy met goeie gawes, en rykes stuur Hy met leë hande weg.

Lukas 4:18

“Die Gees van die Here is op My, omdat Hy My gesalf het om die goeie boodskap aan arm mense te verkondig. Hy het My gestuur om vir gevangenes aan te kondig dat hulle vrygelaat sal word, en vir blindes dat hulle weer sal sien, om onderdruktes te bevry,

Lukas 9:17

Almal het geëet en het versadig geword, en van die stukke wat oorgebly het, is daar twaalf mandjies vol opgetel.

Handelinge 16:26

Skielik was daar 'n hewige aardbewing, sodat die fondamente van die tronk geskud het. Al die deure het onmiddellik oopgegaan, en almal se boeie het losgegaan.

Handelinge 5:19

Maar 'n engel van die Here het in die nag die tronkdeure oopgemaak, hulle uitgelei en gesê: