Psalms 145:3 - Die Bybel 2020-vertaling

³ Groot is die Here en besonder lofwaardig; sy grootheid is ondeurgrondelik.

Bybel vir almal

³ Die Here is groot, al die mense moet Hom prys. Niemand weet hoe groot Hy is nie.

Afrikaans 1933-1953

³ Gimel. Die Here is groot en baie lofwaardig, en sy grootheid is ondeurgrondelik.

Afrikaans 1983

³ Die Here is groot, alle lof kom Hom toe, sy grootheid is ondeurgrondelik.

Contemporary Afrikaans Bible 2023

³ Die HERE is groot en baie lofwaardig; en sy grootheid is ondeurgrondelik.

Die Boodskap

³ Die Here is groot. Hy verdien om baie geprys te word. ’n Mens kan nie regtig in woorde beskryf hoe groot Hy is nie.

Nuwe Lewende Vertaling

³ Die Here is groot! Hy is waardig om geprys te word. Sy grootheid is onmeetbaar.

Psalms 145:3 Kruisverwysings

1 Kronieke 16:25

Want groot is die Here en besonder lofwaardig; Hy is ontsagwekkend, meer as alle gode.

Job 26:14

Kyk, dit is maar net die buitelyne van sy weë. Wat ons van Hom hoor, is maar 'n gefluisterde woord. Sy donderende krag – wie begryp dit?”

Job 36:26

Kyk, God is verhewe – ons kan dit nie eers bedink nie; die getal van sy jare – dit kan nie nagespeur word nie.

Job 37:23

Die Almagtige – ons kan Hom nie bereik nie, Hy wat verhewe is in krag. Die reg en volle geregtigheid sal Hy nooit geweld aandoen nie.

Job 5:9

aan Hom wat groot en ondeurgrondelike dinge, ontelbare wonders, doen –

Job 9:10

wat groot en ondeurgrondelike dinge, ontelbare wonders, doen.

Psalms 139:6

Om dit te verstaan, is 'n te groot wonder vir my; dit is te hoog, ek kan dit nie begryp nie.

Psalms 147:5

Ons Heer is groot en geweldig sterk; aan sy insig is daar geen grens nie.

Psalms 48:1

'n Lied. 'n Psalm. Van die Koragiete.

Psalms 96:4

Want groot is die Here en besonder lofwaardig; Hy is ontsagwekkend, meer as alle gode.

Jesaja 40:28

Weet jy dit nie? Het jy dit nie gehoor nie? 'n Ewige God is die Here, Skepper van die eindes van die aarde. Hy word nie moeg nie, Hy raak nie afgemat nie – ondeurgrondelik is sy insig.

Romeine 11:33

O, diepte van die rykdom en wysheid en kennis van God! Hoe ondeurgrondelik is sy oordele, en hoe onnaspeurbaar sy weë!

Openbaring 15:3

Hulle sing toe die lied van Moses, die dienskneg van God. Dit is ook die lied van die Lam, wat so lui: “Groots en wonderbaarlik is u dade, Here God, Almagtige. Regverdig en betroubaar is u paaie, o Koning van die nasies.