Psalms 145 - Die Bybel 2020-vertaling

¹ 'n Loflied. Van Dawid. Ek wil U verheerlik, o Koning, my God; ek wil u Naam prys vir altyd en altyd.

א ALEF ב BET

ב BET

² Elke dag wil ek U prys, ek wil u Naam loof vir altyd en altyd.

ג GIMEL

ג GIMEL

³ Groot is die Here en besonder lofwaardig; sy grootheid is ondeurgrondelik.

ד DALET

ד DALET

⁴ Geslag ná geslag roem u werke; u magtige dade maak hulle bekend.

ה HE

ה HE

⁵ Oor die heerlike majesteit van u luister en u wonderdade wil ek nadink.

ו WAW

ו WAW

⁶ Oor die krag van u ontsagwekkende dade praat mense; van u grootheid wil ek vertel.

ז ZAJIN

ז ZAJIN

⁷ Oor herinneringe aan u groot goedheid sal hulle uitwei; oor u regverdige optrede sal hulle jubel.

ח GET

ח GET

⁸ Genadig en barmhartig is die Here, geduldig en groot in troue liefde.

ט TET

ט TET

⁹ Die Here is goed vir almal, en sy barmhartigheid strek oor al sy werke.

י JOD

י JOD

¹⁰ Here, al u werke loof U, en u troue volgelinge prys U.

כ KAF

כ KAF

¹¹ Oor die heerlikheid van u koningskap praat hulle en u mag verkondig hulle,

ל LAMED

ל LAMED

¹² sodat die mensdom kan kennis neem van u magtige dade, van die heerlike majesteit van u koningskap.

מ MEM

מ MEM

¹³ U koningskap is 'n koningskap vir alle ewighede, u heerskappy duur deur al die komende geslagte.

ס SAMEK

ס SAMEK

¹⁴ Die Here ondersteun almal wat val, en help almal regop wat neergeboë is.

ע AJIN

ע AJIN

¹⁵ Almal se oë is vol verwagting op U gerig, en U gee vir hulle hulle kos op tyd.

פ PE

פ PE

¹⁶ Wanneer U u hand oopmaak, versadig U al wat lewe met wat hulle wil hê.

צ TSADE

צ TSADE

¹⁷ Regverdig is die Here in al sy weë, en trou aan alles wat Hy gemaak het.

ק KOF

ק KOF

¹⁸ Die Here is naby almal wat Hom aanroep, almal wat Hom in waarheid aanroep.

ר RESJ

ר RESJ

¹⁹ Hy vervul die wens van dié wat vir Hom ontsag het; hulle hulpgeroep hoor Hy, en Hy verlos hulle.

שׁ SJIN

שׁ SJIN

²⁰ Die Here beskerm almal wat Hom liefhet, maar al die goddeloses delg Hy uit.

ת TAW

ת TAW

²¹ My mond sal die lof van die Here verkondig; alle mense moet sy heilige Naam prys vir altyd en altyd.