Psalms 145:4 - Die Bybel 2020-vertaling

⁴ Geslag ná geslag roem u werke; u magtige dade maak hulle bekend.

Bybel vir almal

⁴ Elke geslag moet die dinge prys wat U gedoen het. Hulle moet praat oor die groot dinge wat U gedoen het.

Afrikaans 1933-1953

⁴ Dalet. Die een geslag prys u werke by die ander, en hulle verkondig u magtige dade.

Afrikaans 1983

⁴ Geslag na geslag prys wat U doen en vertel van u magtige dade,

Contemporary Afrikaans Bible 2023

⁴ Die een geslag sal U werke aan die ander prys en U magtige dade verkondig.

Die Boodskap

⁴ Ouers vertel vir hulle kinders wat U gedoen het. Hulle prys U daaroor.

Psalms 145:4 Kruisverwysings

Ester 9:28

Hierdie dae moet onthou en gevier word deur elke volgende generasie, deur elke familie, in elke provinsie en in elke stad. Hierdie dae van die Purim mag onder die Jode nie nagelaat word nie en die herinnering daaraan mag onder hulle nageslagte nie vergete raak nie.

Job 8:10

Sal húlle jou nie onderrig nie, met jou praat nie, uit hulle harte argumente aanvoer nie?

Psalms 71:18

Selfs tot in die ouderdom en grysheid, o God, moet U my nie verlaat nie, totdat ek aan die nageslag die mag van u arm bekend gemaak het, aan almal wat kom, u mag.

Jesaja 38:19

Dit is die een wat leef, die een wat leef – hý prys U, soos ek vandag. 'n Vader kan u trou bekend maak aan sy kinders.

Deuteronomium 4:10

van die dag toe julle by Horeb in die teenwoordigheid van die Here julle God gestaan het en die Here vir my gesê het, ‘Maak vir My die volk bymekaar. Ek wil hulle my woorde laat hoor. Hulle moet dit leer, sodat hulle, solank as wat hulle op die aarde leef, vir My ontsag kan hê. Hulle moet dit ook vir hulle kinders leer.’

Deuteronomium 6:7

Herhaal dit vir jou kinders en praat met hulle daaroor wanneer jy in jou huis sit en wanneer jy op pad is, wanneer jy gaan lê en wanneer jy opstaan.