Psalms 132:10 - Die Bybel 2020-vertaling

¹⁰ Ter wille van u dienskneg Dawid, moet U tog nie u gesalfde wegwys nie.

Bybel vir almal

¹⁰ Dawid was u dienaar, daarom moet U nie nou die koning, u gesalfde, los nie.

Afrikaans 1933-1953

¹⁰ Wys u gesalfde nie af nie, ter wille van Dawid, u kneg.

Afrikaans 1983

¹⁰ Ter wille van u dienaar Dawid, moet tog nie u gesalfde verstoot nie.

Contemporary Afrikaans Bible 2023

¹⁰ Ter wille van u kneg Dawid moet u die aangesig van u gesalfde nie afwend nie.

Die Boodskap

¹⁰ Moenie die een vergeet wat U spesiaal aangewys het as koning nie, al is dit net ter wille van Dawid.

Nuwe Lewende Vertaling

¹⁰ Ter wille van u dienaar Dawid, moet tog nie u gesalfde verwerp nie.

Psalms 132:10 Kruisverwysings

1 Konings 11:34

Ek sal nie die hele koninkryk uit sy hand neem nie, maar hom as leier aanstel solank hy leef, ter wille van Dawid, my dienskneg, wat Ek gekies het, hy wat my wette en vaste voorskrifte nagekom het.

2 Konings 19:34

‘Ek sal hierdie stad afskerm om dit te red, om my ontwil en ter wille van Dawid, my dienskneg. ’ ”

2 Konings 8:19

Maar ter wille van Dawid, sy dienskneg, wou die Here Juda nie vernietig nie, aangesien Hy vir Dawid beloof het om vir hom en sy seuns altyd 'n lamp te gee.

2 Kronieke 6:42

Here God, moet tog nie u gesalfdes wegwys nie; onthou tog die troue beloftes aan Dawid, u dienskneg.”

Psalms 144:10

U wat aan konings die oorwinning gee, wat Dawid, u dienskneg, bevry van 'n dodelike swaard.

Psalms 84:10

O God, sien ons skild raak, slaan ag op u gesalfde;

Psalms 84:9

Here, God, Heerser oor alle magte, hoor tog my gebed, luister tog, God van Jakob! Sela

Hosea 3:5

Daarna sal die Israeliete terugkeer en die Here, hulle God, soek, en Dawid, hulle koning. Ja, hulle sal bewend na die Here gaan, en na sy goedheid in die laaste dae.