Psalms 123:4 - Die Bybel 2020-vertaling

⁴ tot in ons diepste wese het ons meer as genoeg gehad van die spotlag van selfvoldane mense, van die minagting deur hooghartiges.

Bybel vir almal

⁴ Ons wil hê dat hoogmoedige mense moet ophou om ons te spot en te verneder.

Afrikaans 1933-1953

⁴ meer as versadig is ons siel van die spot van die oormoediges, van die veragting van die trotsaards!

Afrikaans 1983

⁴ meer as genoeg spot van oormoedige mense, veragting van hovaardiges.

Contemporary Afrikaans Bible 2023

⁴ Ons siel is uitermate vervul met die veragting van die wat gerus is, en met die veragting van die hoogmoediges.

Die Boodskap

⁴ Ons is moeg vir die arrogansie van mense wat dink hulle is beter as ander. Mense wat te veel van hulleself dink, dink ook dat hulle op ander kan neersien.

Nuwe Lewende Vertaling

⁴ Ons het baie spot verduur van hoogmoediges, en veragting van die hooghartiges.

Psalms 123:4 Kruisverwysings

Nehemia 2:19

Maar toe Sanballat uit Goron, Tobija, die Ammonitiese amptenaar, en Gesem, die Arabier, dit hoor, het hulle met ons die spot gedryf en ons veragtend aangespreek: “Wat is hierdie saak waarmee julle besig is? Wil julle in opstand kom teen die koning?”

Job 12:5

‘Vir 'n ramp is veragting gepas,’ is die mening van die selfversekerde, ‘'n stamp is gepas vir hulle wie se voete swik.’

Job 16:4

Ook ek sou soos julle kon praat as julle in my plek was. Ek sou woorde aanmekaar kon ryg teen julle, my kop oor julle meewarig skud.

Psalms 119:51

Vermeteles het my tot die uiterste toe gespot, maar van u wet het ek nie weggedraai nie.

Jesaja 32:11

Raak aan die bewe, sorgelose vroue! Sidder, julle wat houtgerus is! Trek julle uit, ontklee! Gord rouklere aan julle heupe!

Jesaja 32:9

Sorgelose vroue, staan op, luister na my stem! Dogters vol vertroue, hoor my woorde!

Jeremia 48:11

Moab is rustig van sy jeug af; hy is soos wyn, ongestoord op sy droesem, hy is nie oorgeskink van kruik tot kruik nie – in ballingskap het hy nie gegaan nie. Daarom behou hy sy smaak, en sy geur verander nie.

Jeremia 48:27

Of is Israel nie deur jou uitgelag nie? Of is hy tussen diewe betrap, dat jy, so dikwels as jy oor hom praat, meewarig die kop skud?

Jeremia 48:29

Ons het gehoor van die trots van Moab, van die groot vermetelheid, sy hoogmoed, sy trots, sy grootdoenerigheid en sy hooghartigheid.

Amos 6:1

Wee dié wat gerus is in Sion, dié wat hulle veilig voel op die berg Samaria, die hooggeplaastes van die mees vooraanstaande nasies, na wie die huis van Israel kom.

Handelinge 17:21

Al die Atheners en ook die uitlanders wat daar woon, het vir niks anders tyd as om oor iets nuuts te praat of daarna te luister nie.

Handelinge 17:32

Toe hulle van die opstanding van die dooies hoor, het sommige hom uitgelag, terwyl ander gesê het: “Ons sal jou weer hieroor wil hoor.”

Handelinge 26:24

Terwyl Paulus hierdie dinge ter verdediging aanvoer, roep Festus hardop uit: “Jy is waansinnig, Paulus! Jou groot geleerdheid dryf jou tot waansin!”

1 Korinthiërs 4:13

word ons belaster, antwoord ons beleefd. Soos die vullis van die wêreld het ons geword, soos die skuim van die samelewing – tot nou toe.

1 Samuel 17:42

Toe die Filistyn mooi kyk en Dawid sien, het hy hom geminag, want hy was nog maar 'n seun, rooierig, en met 'n mooi voorkoms.