Psalms 1:5 - Die Bybel 2020-vertaling

⁵ Daarom sal goddeloses nie kan opstaan tydens die regspraak, of sondaars in die byeenkoms van •regverdiges nie.

Bybel vir almal

⁵ Daarom sal die mense wat verkeerd doen, die sondaars, nie kan kom by die Here, die Regter, nie, daar waar mense wat reg doen, bymekaar is.

Afrikaans 1933-1953

⁵ Daarom sal die goddelose nie bestaan in die oordeel en die sondaars in die vergadering van die regverdiges nie.

Afrikaans 1983

⁵ Daarom sal goddeloses hulle nie kan handhaaf wanneer die Here oor hulle oordeel nie en sondaars nie 'n plek hê in die vergadering van regverdiges nie.

Contemporary Afrikaans Bible 2023

⁵ Daarom sal die goddelose nie in die oordeel standhou nie, en geen sondaars in die vergadering van die regverdiges nie.

Die Boodskap

⁵ Daarom sal daar nie vir hulle plek wees wanneer God eendag voor almal sê wie aan Hom behoort nie.

Nuwe Lewende Vertaling

⁵ Daarom sal goddeloses nie voortbestaan in die oordeel, of sondaars in die geselskap van regverdiges nie.

Psalms 1:5 Kruisverwysings

Psalms 24:3

Wie mag teen die berg van die Here opgaan en wie mag in sy heiligdom staan?

Psalms 26:9

Moet my nie wegruk saam met sondaars, my lewe saam met manne wat bloed vergiet nie,

Psalms 5:5

Ja, U is 'n God wat goddeloosheid nie duld nie; boosheid kan by U nie vertoef nie.

Psalms 9:16

Nasies het weggesink in die vangkuil wat hulle gemaak het; in daardie vangnet wat hulle gespan het, is hulle voete gevang.

Maleagi 3:18

Dan sal julle weer die verskil sien tussen regverdiges en wetteloses, tussen wie God dien en wie Hom nié dien nie.

Matteus 13:49

So sal dit wees by die voleinding van die tyd: Die engele sal uitgaan, en hulle sal die bose mense tussen die •regverdiges uithaal

Matteus 25:32

Al die nasies sal voor Hom byeengebring word, en Hy sal hulle van mekaar skei soos 'n herder die skape van die bokke skei.

Matteus 25:41

“Dan sal Hy vir dié aan sy linkerhand sê, ‘Gaan weg van My, julle vervloektes, in die ewige vuur, wat gereedgemaak is vir die Duiwel en sy engele.

Matteus 25:46

Hierdie mense sal weggaan na die ewige straf, maar die regverdiges na die ewige lewe.”

Lukas 21:36

Wees te alle tye waaksaam , en bid dat julle in staat sal wees om al hierdie dinge wat gaan gebeur, te ontvlug, en voor die •Seun van die Mens te kan staan. ”

Judas 1:15

om oor almal die oordeel te vel, en om alle mense te straf vir al hulle goddelose dade wat hulle in hulle goddeloosheid verrig het, en vir al die vermetele dinge wat goddelose sondaars teen Hom uitgespreek het.”