Psalms 1:3 - Die Bybel 2020-vertaling

³ So iemand sal wees soos 'n boom geplant langs watervore, wat sy vrugte op sy tyd gee en waarvan die blare nie verdor nie. Alles wat hy aanpak, gedy.

Bybel vir almal

³ So 'n mens sal wees soos 'n boom wat langs 'n waterstroom groei, 'n boom wat vrugte dra op die regte tyd, en wat blare het wat altyd groen is. Dit gaan goed met alles wat hy doen.

Afrikaans 1933-1953

³ En hy sal wees soos 'n boom wat geplant is by waterstrome, wat sy vrugte gee op sy tyd en waarvan die blare nie verwelk nie; en alles wat hy doen, voer hy voorspoedig uit.

Afrikaans 1983

³ Hy is soos 'n boom wat by waterstrome geplant is, wat op die regte tyd vrugte dra en waarvan die blare nie verdroog nie. Hy is voorspoedig in alles wat hy aanpak.

Contemporary Afrikaans Bible 2023

³ En hy sal wees soos 'n boom wat by waterstrome geplant is, wat sy vrugte dra op sy tyd; ook sal sy blaar nie verdor nie; en alles wat hy doen, sal voorspoedig wees.

Die Boodskap

³ Daarom is jy soos ’n groot boom wat stewig langs die water staan. Hierdie boom dra op die regte tyd baie vrugte en sy blare bly groen. Sy grootheid skyn helder in alles wat jy doen. Daarom gaan dit baie goed met jou.

Nuwe Lewende Vertaling

³ Hy is soos ’n boom geplant langs waterstrome, wat vrugte dra op die regte tyd. Sy blare verwelk nie; in alles wat hy doen, is hy voorspoedig.

Psalms 1:3 Kruisverwysings

Genesis 39:23

Die hoof van die gevangenis het nie omgesien na enigiets wat onder Josef se beheer was nie, want die Here was met hom; en wat hy gedoen het, het die Here laat slaag.

Genesis 39:3

Toe sy eienaar merk dat die Here met Josef is, en dat die Here alles wat hy doen, laat slaag deur sy hand,

2 Konings 18:7

Die Here was met hom. In al die veldtogte wat hy onderneem het, het hy sukses behaal. Hy het teen die koning van Assirië in opstand gekom en was nie meer aan hom onderdanig nie.

1 Kronieke 22:11

“ Daarom, my seun, mag die Here met jou wees, en mag jy sukses behaal en die huis van die Here jou God bou soos Hy aangaande jou gesê het.

1 Kronieke 22:13

slegs dan sal jy sukses behaal – as jy die vaste voorskrifte en bepalings wat die Here vir Moses aangaande Israel beveel het, noukeurig nakom. Wees dapper en sterk! Moenie bang wees nie en moet jou nie laat afskrik nie!

2 Kronieke 31:21

Elke taak wat hy aangepak het in verband met die diens in die huis van God en in verband met die wette en gebooie, was daarop gerig om sy God se wil te soek. Met sy hele hart het hy dit gedoen, en hy was suksesvol.

2 Kronieke 32:23

Baie mense het voortdurend vir die Here offers na Jerusalem gebring, ook kosbaarhede vir Hiskia, koning van Juda. Hy het ná hierdie gebeure hoë aansien geniet in die oë van al die nasies.

Job 14:9

van die reuk van water spruit hy uit, maak hy lote soos 'n jong plant.

Job 22:28

Jy sal oor 'n saak besluit, en dit sal vir jou vervul word; oor jou paaie sal 'n lig skyn.

Psalms 128:2

Die vrug van jou hande sal jy beslis geniet. Gelukkig is jy! Dit gaan goed met jou.

Psalms 129:8

En mag verbygangers nie sê nie: “Die seën van die Here vir julle; ons seën julle in die Naam van die Here.”

Psalms 92:14

Hulle is geplant in die huis van die Here; in die voorhowe van ons God blom hulle.

Psalms 92:15

In die gryse ouderdom gedy hulle nog steeds; hulle is weelderig en blaarryk,

Jesaja 27:11

Wanneer haar takke verdroog het, sal hulle afgebreek word; vroue sal kom en dit aan die brand steek. Ja, dit is nie 'n verstandige volk nie; daarom sal hulle Maker Hom nie oor hulle ontferm nie, sal die Een wat hulle gevorm het, geen genade aan hulle betoon nie.

Jesaja 3:10

“ Sê vir die regverdiges dat dit goed sal gaan, want die vrug van hulle dade sal hulle geniet.

Jesaja 44:4

Hulle sal groei tussen gras, soos rivierwilgers langs waterstrome.

Jesaja 58:11

Die Here sal jou voortdurend lei; in dor plekke sal Hy jou keel verkwik, jou gebeente sal Hy sterk maak. Jy sal soos 'n natgeleide tuin wees, soos 'n waterbron waarvan die water nie teleurstel nie.

Jeremia 17:8

Hy sal wees soos 'n boom wat geplant is langs water, wat sy wortels uitstoot na die voor. Hy merk nie eers op dat die hitte kom nie; sy blare bly groen. In 'n jaar van droogte raak hy nie angstig nie, en hy hou nie op om vrugte te dra nie.”

Esegiël 17:8

In 'n goeie stuk grond, by baie water, was dit geplant, sodat dit lootjies kon maak, vrug kon dra, 'n edel wynstok kon word.” ’

Esegiël 19:10

“ ‘Met jou moeder was dit soos met 'n wingerdstok in jou wingerd, by water geplant. Dit was vol vrugte en lote van die oorvloed water.

Esegiël 31:5

Daarom was hy hoër as al die bome in die veld, en het sy takke baie geword, was sy lote wat hy uitgestoot het, lank van al die water.

Esegiël 47:12

Aan weerskante van die stroom, op sy walle, sal allerhande vrugtebome groei. Hulle blare sal nie verwelk nie, en hulle vrugte sal nie opraak nie. Elke maand sal hulle nuwe vrugte dra, want dit is uit die heiligdom wat hulle water vloei. Hulle vrugte sal as voedsel dien en hulle blare tot genesing.”

Numeri 24:6

Soos palmbome is hulle uitgesprei, soos tuine langs 'n rivier, soos adelhout wat die Here geplant het, soos seders langs water.

Matteus 13:6

Maar toe die son opkom, is dit verskroei; omdat dit nie wortel geskiet het nie, het dit verdroog.

Matteus 21:19

Toe Hy 'n enkele vyeboom langs die pad sien, het Hy daarheen geloop, maar niks daaraan gevind nie, net blare. Toe sê Hy vir die vyeboom: “Mag jy tot in ewigheid nooit weer vrug dra nie!” Die vyeboom het onmiddellik verdroog.

Matteus 21:34

Toe die oestyd aanbreek, het hy sy slawe na die landbouers gestuur om sy opbrengs te ontvang.

Matteus 21:41

Hulle sê vir Hom: “Hy sal daardie slegte mense 'n aaklige dood laat sterf, en die wingerd aan ander landbouers verhuur wat aan hom die opbrengs op die regte tyd sal lewer.”

Johannes 15:6

As iemand nie in My bly nie, word hy soos 'n loot buite uitgegooi, en verdroog. Hulle maak dit bymekaar en gooi dit in die vuur, en dit verbrand.

Deuteronomium 28:8

“Die Here sal vir jou seën stuur – in jou graanskure en in alles waaraan jy jou hand waag. Ja, die Here jou God sal jou seën in die land wat Hy vir jou gaan gee.

Judas 1:12

Hierdie mense is skandvlekke by julle liefdesmaaltye; hulle vier skaamteloos saam met julle fees; hulle sorg net vir hulleself. Hulle is wolke wat nie reën bring nie, en deur winde voortgedryf word, bome in die laatherfs wat sonder vrugte staan, twee maal dood, ontwortel,

Openbaring 22:2

In die middel, met die hoofstraat aan die een kant en die rivier aan die ander kant, staan die boom van die lewe, wat twaalf keer vrugte dra – elke maand dra dit vrug. En die blare van die boom bring genesing vir die nasies.