Matteus 4:8 - Die Bybel 2020-vertaling

⁸ Hierna neem die Duiwel Hom na 'n baie hoë berg en wys Hom al die koninkryke van die wêreld in hulle prag,

Bybel vir almal

⁸ Die duiwel het daarna vir Jesus na 'n baie hoë berg geneem. Hy het vir Hom al die lande van die wêreld gewys en al die mooi dinge in die lande.

Afrikaans 1933-1953

⁸ Weer neem die duiwel Hom saam na 'n baie hoë berg en wys Hom al die koninkryke van die wêreld en hulle heerlikheid,

Afrikaans 1983

⁸ Toe neem die duiwel Hom na 'n baie hoë berg toe, wys Hom al die koninkryke van die wêreld met hulle prag

Contemporary Afrikaans Bible 2023

⁸ Weer neem die duiwel Hom op 'n uitermate hoë berg en wys Hom al die koninkryke van die wêreld en die heerlikheid daarvan;

Die Boodskap

⁸ Die duiwel was egter nog nie klaar met sy versoekings nie. Hy het Jesus na die top van ’n baie hoë berg gevat. Van daar af het hy Hom al die lande van die wêreld gewys met al hulle glans en rykdom.

Matteus 4:8 Kruisverwysings

Ester 1:4

Hy het toe die prag en praal van sy koninkryk se rykdom, sowel as die kosbare skatte wat van sy belangrikheid getuig, dae lank, 180 dae lank, vertoon.

Ester 5:11

en by hulle gespog oor sy oorvloedige rykdom, sy baie seuns, en al die maniere waarop die koning hom vereer en bevorder het bo die ander •hoë amptenare en dienaars van die koning.

Daniël 4:30

Die koning het toe begin praat en gesê: “Is dit nie die grote Babel wat ek tot 'n koninklike verblyf opgebou het deur die krag van my vermoë en tot verheerliking van my majesteit nie?”

Numeri 23:3

Bileam sê toe vir Balak: “Bly hier by u •brandoffer staan terwyl ek 'n entjie loop. Miskien gun die Here my 'n ontmoeting. Wat Hy my ook al laat sien, sal ek aan u bekend maak.” Daarna het hy na 'n kaal hoogte gestap.

Matteus 16:26

Wat sal dit 'n mens dan baat as hy die hele wêreld as wins bekom, maar sy lewe verloor? Of wat sal 'n mens gee as losprys vir sy lewe?

Matteus 4:5

Toe neem die Duiwel Jesus na die heilige stad en laat Hom op die hoogste punt van die tempelgeboue staan

Johannes 5:20

Die Vader het immers die Seun lief en wys Hom alles wat Hy self doen; en Hy sal Hom groter dade as dit wys, sodat julle verwonderd sal staan.

1 Petrus 1:24

Want: Elke mens is soos gras, en al sy prag soos 'n veldblom: die gras verdroog en die blom val af;

Openbaring 11:15

Die sewende engel het toe op sy trompet geblaas. In die hemel het luide stemme opgeklink wat uitroep: “Die heerskappy van ons Here en sy •Christus oor die wêreld het aangebreek, en Hy sal as koning heers, vir ewig en ewig.”