Levitikus 10:3 - Die Bybel 2020-vertaling

³ Toe sê Moses vir Aäron: “Dit is wat die Here bedoel het toe Hy gesê het, “ ‘Deur diegene wat naby My is, moet Ek as heilig erken word; ten aanskoue van die hele volk moet Ek geëer word.’ ” Aäron het net geswyg.

Bybel vir almal

³ Moses het vir Aäron gesê: “Dit is wat die woorde van die Here beteken het toe hy gesê het: “Die mense wat vir My offers bring, moet weet dat Ek 'n heilige God is, die hele volk moet sien dat Ek die Koning is.” Aäron het stilgebly.

Afrikaans 1933-1953

³ Toe sê Moses vir Aäron: Dit is dit wat die Here gespreek het deur te sê: In die wat naby My is, wil Ek My as die Heilige laat ken, en voor die oë van die hele volk wil Ek My verheerlik. Maar Aäron het stilgebly.

Afrikaans 1983

³ Toe sê Moses vir Aäron: “Die Here het gesê: Wie 'n offer vir My bring, moet besef dat Ek heilig is; sy ontsag vir My moet vir die hele volk duidelik wees.” Aäron was sprakeloos.

Contemporary Afrikaans Bible 2023

³ Toe sê Moses vir Aäron: Dit is dit wat die HERE gespreek het deur te sê: Ek sal geheilig word in die wat naby My kom, en voor die hele volk sal Ek verheerlik word. En Aäron het stilgebly.

Die Boodskap

³ Moses sê toe vir Aäron: “Dit is wat die Here bedoel het toe Hy gesê het: Hulle wat vir My offer, moet onthou hoe geweldig groot Ek is. Die hele volk moet My met groot respek behandel.” Aäron het nie daarop geantwoord nie.

Levitikus 10:3 Kruisverwysings

Genesis 18:25

U sal tog nooit so iets doen nie – om regverdiges saam met goddeloses te laat sterf, asof regverdiges soos goddeloses is! U sal tog nooit! Sal die regter van die hele aarde dan nie reg laat geskied nie?”

Job 2:10

Hy het egter vir haar gesê: “Jy praat soos een van die dwase vroue praat. Die goeie wat van God kom, dié aanvaar ons, maar die slegte – moet ons dit nie ook aanvaar nie?” Ondanks dit alles het Job nie met 'n enkele woord gesondig nie.

Psalms 119:120

My lyf bewe omdat U vrees inboesem; ja, vir u beslissings is ek vol ontsag.

Psalms 148:14

Hy het sy volk sterk gemaak – 'n rede tot lof vir al sy troue volgelinge, die Israeliete, die volk wat na aan Hom is. Halleluja!

Psalms 39:10

“Ek bly stil, ek maak my mond nie oop nie, want dit is U wat optree.

Psalms 39:9

Verlos my van al my oortredings; maak my nie die bespotting van 'n dwaas nie.

Psalms 46:10

wat oorloë laat ophou tot aan die einde van die aarde. Boë breek Hy stukkend en Hy verpletter spiese; waens verbrand Hy in die vuur.

Psalms 89:7

Want wie in die uitspansel kan langs die Here gestel word? Wie onder die hemelwesens is aan die Here gelyk –

Psalms 93:5

U bepalings is baie betroubaar; vir u huis is heiligheid gepas, Here, tot in lengte van dae.

Eksodus 14:17

En wat My betref, kyk, Ek gaan die hart van die Egiptenare verhard, sodat hulle agter hulle ingaan. Dan sal Ek agting afdwing deur my optrede teenoor die farao en sy hele leër, sy strydwaens en bemanning.

Eksodus 14:4

Ek sal die farao se hart verhard en hy sal hulle agtervolg, sodat Ek deur my optrede teenoor die farao en sy hele leër, agting kan afdwing, en sodat die Egiptenare sal weet dat Ek die Here is. ” Die Israeliete het toe so gemaak.

Eksodus 19:22

Ook die priesters wat gewoonlik die Here nader, moet hulleself heilig, anders slaan die Here hulle uitmekaar.”

Eksodus 19:24

Die Here het hom geantwoord: “Gaan af, en kom dan weer op, jy en Aäron saam met jou. Maar die priesters en die volk moet nie deur die grens breek om na die Here op te klim nie, anders slaan Hy hulle uitmekaar.”

Eksodus 30:30

“ Ook Aäron en sy seuns moet jy salf en hulle heilig, sodat hulle vir My as priesters kan optree.

Jesaja 39:8

Hiskia sê toe vir Jesaja: “Die woord van die Here wat jy gespreek het, is goed.” Hy het gedink: Want daar sal vrede en bestendigheid in my tyd wees.

Jesaja 49:3

Hy het vir my gesê: “Jy is my dienskneg, Israel, deur wie Ek my heerlikheid toon.”

Jesaja 52:11

Wyk uit! Wyk uit! Trek weg van daar af! Aan iets onreins moet julle nie raak nie. Trek weg uit haar midde! Hou julle rein, draers van die Here se tempelgereedskap!

Esegiël 20:41

As 'n geurige offer sal Ek julle aanvaar wanneer Ek julle van die volke af uitlei, julle byeenbring uit die lande waarheen julle versprei is. Ek sal My deur julle as die Heilige betoon voor die oë van die nasies.

Esegiël 28:22

en sê, ‘So sê my Heer, die Here: “Dit is Ek teen jou, Sidon! Ek sal roem verwerf in jou midde. Hulle sal besef dat Ek die Here is wanneer Ek oordele in haar voltrek. Ek sal Myself in haar as die Heilige betoon.

Esegiël 38:16

Jy sal optrek teen my volk Israel, soos 'n wolkmassa, om die land te bedek. Aan die einde van die dae sal dit gebeur. Ek sal jou op my land laat toesak, sodat die nasies My kan leer ken wanneer Ek Myself voor hulle oë deur jou, Gog, as die Heilige betoon. ”

Esegiël 40:46

en die vertrek wat noord front, is vir die priesters wat verpligtinge by die altaar nakom. Hulle is Sadokiete, uit die geslag van Levi, wat mag nader kom na die Here om vir Hom diens te verrig.”

Esegiël 42:13

Die man het vir my gesê: “Die vertrekke aan die noordekant en die vertrekke aan die suidekant, wat langs die ruimte met beperkte toegang lê, is heilige vertrekke, waar die priesters wat na die Here mag nader kom, die •besonder heilige gawes moet eet. Daar moet hulle die besonder heilige gawes neersit – die •graanoffers, •reinigingsoffers en •hersteloffers – want die plek is heilig.

Levitikus 21:15

Hy mag nie sy nageslag onder sy mense ontheilig nie, want Ek, die Here heilig hom.’ ”

Levitikus 21:17

“Praat met Aäron en sê vir hom, ‘Niemand uit jou nageslag aan wie daar 'n liggaamsgebrek is, mag tot in alle geslagte nader kom om die voedsel van sy God by die altaar aan te bied nie.

Levitikus 21:21

Niemand uit die nageslag van Aäron, die priester, aan wie daar 'n liggaamsgebrek is, mag nader kom om die offergawes vir die Here aan te bied nie. Hy het 'n liggaamsgebrek, hy mag nie nader kom om voedsel aan sy God aan te bied nie.

Levitikus 21:6

Hulle moet heilig wees vir hulle God en nie die Naam van hulle God ontheilig nie. Omdat hulle die offergawes aan die Here, die voedsel van hulle God, by die altaar aanbied, moet hulle heilig wees.

Levitikus 21:8

Erken 'n priester se heiligheid, want hy bied die voedsel van jou God by die altaar aan. Hy moet vir jou heilig wees, want Ek, die Here, wat julle heilig, is heilig.

Levitikus 22:9

Die priesters moet die verpligtinge nakom wat Ek oplê. Hulle moet nie skuld op hulle laai en sterf omdat hulle die heilige gawes ontheilig het nie. Ek, die Here, heilig hulle.

Levitikus 8:35

Voor die ingang van die Tent van Ontmoeting moet julle sewe dae lank bly, dag en nag. Julle moet die verpligting nakom wat die Here op julle lê, sodat julle nie sterf nie, want so is ek beveel.”

Numeri 16:5

Hy het met Korag en sy hele bende gepraat en gesê: “Môreoggend sal die Here bekend maak wie aan Hom behoort en wie heilig is; Hy sal daardie persoon na Hom laat nader kom. Die een wat Hy kies, sal Hy na Hom laat naderk om.

Numeri 20:12

Maar die Here het vir Moses en Aäron gesê: “Omdat julle nie vertroue in My gestel het om My heiligheid voor die oë van die Israeliete te erken nie, daarom sal julle hierdie geloofsgemeenskap nie in die land inneem wat Ek vir hulle gegee het nie.”

Matteus 10:37

“Wie sy vader of moeder bo My liefhet, is My nie waardig nie, en wie sy seun of dogter bo My liefhet, is My nie waardig nie.

Johannes 12:28

Vader, verheerlik u Naam!” Daar het toe 'n stem uit die hemel gekom: “Ek het dit verheerlik, en Ek sal dit weer verheerlik.”

Johannes 14:13

En wat julle in my Naam vra, sal Ek doen, sodat die Vader deur die Seun verheerlik mag word.

Deuteronomium 32:51

omdat julle aan My ontrou was tussen die Israeliete by die water van Meriba-Kades in die Tsinwoestyn; want julle het daar tussen die Israeliete nie my heiligheid in ag geneem nie.

2 Thessalonisense 1:10

Dit sal gebeur op daardie dag wanneer Hy kom om deur sy •heiliges verheerlik te word – ja, om deur alle gelowiges bewonder te word – omdat ons getuienis teenoor julle geglo is.

1 Petrus 4:17

Dit is immers tyd dat die oordeel begin, en wel by die huishouding van God. As dit by ons begin, wat sal dan die uiteinde wees van hulle wat aan die evangelie van God ongehoorsaam is?

1 Samuel 2:30

“Daarom is die uitspraak van die Here, die God van Israel, ‘Ek het uitdruklik gesê: “Jou huis en die huis van jou vader sal vir altyd in my teenwoordigheid diens doen.” ’ Maar nou is die uitspraak van die Here, ‘Ek sal dit nooit toelaat nie! Want mense wat My eer, sal Ek eer; maar mense wat My minag, sal veragtelik wees.

1 Samuel 3:18

Samuel het toe alles vir hom vertel. Hy het niks vir hom weggesteek nie. Daarop sê Eli: “Hy is die Here – wat goed is in sy oë, sal Hy doen.”

1 Samuel 6:20

Die manne van Bet-Semes sê toe: “Wie kan voor hierdie heilige God, die Here, staande bly? Na wie toe kan die ark van ons af gaan?”