Levitikus 10:2 - Die Bybel 2020-vertaling

² Vuur het van voor die Here uitgegaan en hulle verteer, sodat hulle daar voor die Here gesterf het.

Bybel vir almal

² Daar het toe vuur van die altaar gekom en dit het die twee seuns van Aäron verbrand. Hulle het daar voor die Here gesterf.

Afrikaans 1933-1953

² Daarop het daar vuur van die aangesig van die Here uitgegaan en hulle verteer, en hulle het gesterwe voor die aangesig van die Here.

Afrikaans 1983

² 'n Vuur wat van die Here af gekom het, het hulle verteer, en hulle het gesterf in die teenwoordigheid van die Here.

Contemporary Afrikaans Bible 2023

² En daar het vuur van die HERE uitgegaan en hulle verteer, en hulle het gesterwe voor die aangesig van die HERE.

Die Boodskap

² Daar het toe ’n vuur van die Here self af gekom en hulle daar voor die Here doodgebrand.

Levitikus 10:2 Kruisverwysings

2 Samuel 6:7

Die toorn van die Here het teen Ussa ontbrand, en God het hom net daar getref oor dié oneerbiedigheid. Hy het daar by die ark van God gesterf.

1 Konings 13:28

en hy het gegaan en die lyk gekry wat in die pad lê, met die donkie en die leeu wat langs die lyk staan. Die leeu het nie die lyk geëet nie en nie die donkie verskeur nie.

1 Konings 18:38

Toe slaan die vuur van die Here neer en verteer die brandoffer, die hout, die klippe en die los grond. Dit het selfs die water wat in die sloot was, opgelek.

2 Konings 1:10

Elia het die aanvoerder van vyftig geantwoord en gesê: “As ek 'n man van God is, mag daar vuur uit die hemel afkom en jou en jou vyftig man verteer! ” Daar kom toe vuur uit die hemel af en verteer hom en sy vyftig.

2 Konings 1:12

Elia het geantwoord en vir hulle gesê: “As ek 'n man van God is, mag daar vuur uit die hemel afkom en jou en jou vyftig man verteer!” Daar kom toe vuur van God uit die hemel af en verteer hom en sy vyftig man.

1 Kronieke 13:10

Die toorn van die Here het teen Ussa ontbrand en Hy het hom getref, omdat hy sy hand na die ark uitgesteek het. Hy het net daar voor God gesterf.

1 Kronieke 15:13

want die eerste keer was dit nie julle wat dit gedoen het nie. Die Here ons God het ons uitmekaar geslaan, omdat ons Hom nie geraadpleeg het soos dit hoort nie.”

1 Kronieke 24:2

Nadab en Abihu is voor hulle vader oorlede en het nie seuns gehad nie. Eleasar en Itamar het toe as priesters opgetree.

Job 1:16

Terwyl dié een nog besig is om te praat, kom 'n ander een daar aan en sê: “Die vuur van God het uit die hemel geval en die kleinvee en werkers verbrand en verteer. Net ek alleen het vrygekom om dit aan u te kom vertel.”

Psalms 50:3

Ons God kom en Hy gaan nie stilbly nie; voor Hom brand 'n verterende vuur, rondom Hom woed 'n geweldige storm.

Eksodus 24:1

Vir Moses het Hy gesê: “Klim op na die Here, jy en Aäron, Nadab en Abihu en sewentig van die oudstes van Israel, maar buig van ver af al in aanbidding.

Jesaja 30:33

Ja, 'n brandstapel is lankal reeds gepak; dit is ook vir die koning gereedgemaak – diep en wyd – 'n stapel, met vuur en hout in oorvloed; die asem van die Here brand soos 'n stroom swawel daarin.

Levitikus 10:5

Hulle het nader gekom en hulle in hulle priesterrokke na buitekant die kamp gedra soos Moses gesê het.

Levitikus 16:1

Die Here het met Moses gepraat ná die dood van Aäron se twee seuns, toe hulle voor die Here nader gekom en gesterf het.

Levitikus 9:24

'n Vuur het van voor die Here uitgegaan en die brandoffer en die vet op die altaar verteer. Toe die hele volk dit sien, het hulle gejuig en neergeval met hulle gesigte teen die grond.

Numeri 14:37

ja, daardie manne wat 'n slegte gerug oor die land versprei het, het deur 'n plaag in die Here se teenwoordigheid omgekom.

Numeri 16:35

'n Vuur het van die Here af uitgegaan en die tweehonderd-en-vyftig man verteer wat die reukwerk nadergebring het.

Numeri 16:49

Dié wat deur die plaag omgekom het, was veertienduisend sewehonderd, naas dié wat oor die saak van Korag dood is.

Numeri 26:61

Nadab en Abihu het gesterf toe hulle ongeoorloofde vuur voor die Here nadergebring het.

Handelinge 5:10

Op daardie oomblik het sy by sy voete inmekaargesak en gesterf. Toe die jong manne inkom, het hulle haar dood aangetref, uitgedra en by haar man begrawe.

Handelinge 5:5

By die aanhoor van hierdie woorde het Ananias inmekaargesak en gesterf, en groot vrees het almal oorval wat hiervan gehoor het.

1 Korinthiërs 10:11

Dit het met daardie mense as voorbeeld gebeur, en is as waarskuwing neergeskryf vir ons wat in die eindtyd verkeer.

1 Samuel 6:19

Maar die Here het van die inwoners van Bet-Semes getref, omdat hulle die ark van die Here bekyk het. Hy het sewentig man van die bevolking getref. Die volk het getreur, omdat die Here so 'n groot slagting onder die volk aangerig het.