Josua 11:6 - Die Bybel 2020-vertaling

⁶ Die Here het vir Josua gesê: “Moenie vir hulle bang wees nie, want môre teen hierdie tyd sal Ek hulle almal doodgemaak aan Israel oorlewer. Hulle perde se hakskeensenings moet jy afkap, en hulle strydwaens moet jy verbrand.”

Bybel vir almal

⁶ Die Here het vir Josua gesê: “Jy moenie bang wees vir hulle nie, want môre hierdie selfde tyd sal Ek die Israeliete laat wen teen hulle. Hulle sal almal sterf in die oorlog. Jy moet hulle perde se hakskene sny en jy moet hulle oorlogkarre verbrand.”

Afrikaans 1933-1953

⁶ Toe sê die Here vir Josua: Wees vir hulle nie bevrees nie; want môre omtrent sulke tyd sal Ek hulle, almal verslaan, aan Israel oorgee; hulle perde se hakskeensenings moet jy afsny en hulle waens met vuur verbrand.

Afrikaans 1983

⁶ Die Here het vir Josua gesê: “Moenie vir hulle bang wees nie. Môre dié tyd gee Ek hulle oor aan Israel, dan sneuwel hulle almal. Jy moet hulle perde se hakskeensenings afsny en hulle strydwaens verbrand.”

Contemporary Afrikaans Bible 2023

⁶ Toe sê die HERE vir Josua: Wees nie bevrees vir hulle nie, want môre omtrent hierdie tyd sal Ek hulle almal wat verslaan is voor Israel oorgee; jy moet hulle perde kap en hulle strydwaens met vuur verbrand.

Die Boodskap

⁶ Maar die Here het vir Josua gesê: “Moenie vir hulle bang wees nie. Teen dié tyd môre gee Ek hulle oor aan Israel om hulle almal dood te maak. Jy moet hulle perde se hakskeensenings afsny en hulle strydwaens verbrand.”

Josua 11:6 Kruisverwysings

2 Samuel 8:4

Dawid het van hom eenduisend sewehonderd van die strydwabemanning en twintigduisend voetsoldate gevange geneem. Dawid het al die trekperde se hakskeensenings afgekap; hy het net honderd van die trekperde laat oorbly.

2 Konings 6:16

Maar hy het geantwoord: “Moenie bang wees nie, want hulle wat by ons is, is meer as dié wat by hulle is.”

2 Kronieke 20:16

Trek môre af, teen hulle uit. Kyk, hulle gaan met die opdraande van Hassis opkom, en julle sal hulle by die eindpunt van die dal voor die Jeruelwoestyn aantref.

Psalms 46:10

wat oorloë laat ophou tot aan die einde van die aarde. Boë breek Hy stukkend en Hy verpletter spiese; waens verbrand Hy in die vuur.

Psalms 46:11

“Bedaar en erken dat Ek God is, Ek is verhewe bo die nasies, Ek is verhewe bo die aarde.”

Psalms 46:9

Kom kyk na die dade van die Here, Hy wat skrikwekkende dinge op aarde doen,

Spreuke 20:7

Iemand wat onberispelik leef, 'n regverdige – gelukkig is sy kinders wat ná hom kom!

Jesaja 30:16

Julle sê, ‘Nee, maar op perde sal ons vlug’ – daarom sál julle vlug – ‘op vinniges sal ons ry’ – daarom sál julle agtervolgers wys hoe vinnig hulle is.

Jesaja 31:1

Wee hulle wat na Egipte afgaan vir hulp, wat op perde staatmaak, hulle vertroue plaas op strydwaens, omdat daar baie is, en op perderuiters, omdat hulle besonder talryk is. Maar hulle sien nie op na die Heilige van Israel nie; hulle raadpleeg nie die Here nie.

Esegiël 39:9

“ ‘ “ Die inwoners van die dorpe van Israel sal uitgaan en vuur maak; hulle sal dit met wapens, met klein- en grootskilde, boë en pyle, knuppels en steekspiese aan die brand steek. Hulle sal sewe jaar lank daarmee vuur maak.

Hosea 14:3

Kom met julle woorde en keer terug na die Here. Sê vir Hom: “Vergewe ons sondeskuld volkome, aanvaar ons belydenis; ons wil met die vrug van ons lippe vergoed.

Nahum 2:13

“Dis Ek teen jou, Nineve!” is die uitspraak van die Here, Heerser oor alle magte. “Ek sal jou strydwaens in rook laat opgaan; die swaard sal jou jong leeus verteer; wat jy gebuit het, sal Ek van die aarde af verdelg. Die stem van jou gesante sal nie weer gehoor word nie.”

Deuteronomium 7:16

“ Jy moet al die volke wat die Here jou God aan jou gaan oorgee, verdelg. Jy mag hulle nie jammer kry nie. Jy mag hulle gode nie dien nie, want dit sal vir jou 'n valstrik wees.

Josua 10:8

Die Here het vir Josua gesê: “Moenie vir hulle bang wees nie, want Ek gee hulle in jou hand. Niemand van hulle sal voor jou staande bly nie.”

Josua 11:5

Al hierdie konings het kragte saamgesnoer, gegaan en kamp opgeslaan by die waters van Merom om teen Israel oorlog te voer.

Josua 11:7

Josua en al die weerbare manskappe saam met hom het hulle by die waters van Merom verras en hulle oorval.

Josua 11:9

Josua het met hulle gemaak soos die Here vir hom gesê het: Hulle perde se hakskeensenings het hy afgekap en hulle strydwaens het hy verbrand.

Josua 3:5

Josua het vir die volk gesê: “Heilig julleself, want môre gaan die Here in julle midde wonders doen.”

Rigters 20:28

en Pinehas, seun van Eleasar, seun van Aäron, het in daardie tyd voor die Here diens gedoen. Hulle het gevra: “Moet ons weer 'n keer uittrek vir die geveg met die kinders van Benjamin, ons broer, of moet ons ophou?” Die Here het geantwoord: “Trek op, want môre gee Ek hulle in julle hand.”

Rigters 7:9

Gedurende daardie nag het die Here vir hom gesê: “Staan op, gaan af na hulle kamp; want Ek gee hulle in jou hand.

1 Samuel 11:9

Hulle het vir die boodskappers wat daar aangekom het, gesê: “So moet julle vir die manne van Jabes in Gilead sê, ‘Môre sal daar vir julle redding wees wanneer die son warm is.’ ” Die boodskappers het gegaan, en toe hulle die manne van Jabes daaroor inlig, was hulle verheug.