Joël 2:10 - Die Bybel 2020-vertaling

¹⁰ Voor hierdie volk bewe die aarde, skud die hemele. Son en maan word duister, die sterre hou hulle glans terug.

Bybel vir almal

¹⁰ Wanneer die sprinkane kom, dan bewe die aarde en skud die hemel. Dan word die son en die maan donker, en die sterre skyn nie meer nie.

Afrikaans 1933-1953

¹⁰ Voor hulle bewe die aarde, sidder die hemel; die son en die maan word swart, en die sterre trek hulle glans in.

Afrikaans 1983

¹⁰ Die aarde skrik vir hulle, die hemel bewe; die son en die maan word donker, die sterre verloor hulle glans.

Contemporary Afrikaans Bible 2023

¹⁰ Die aarde sal voor hulle bewe; die hemele sal bewe: die son en die maan sal donker word, en die sterre sal hul glans onttrek.

Die Boodskap

¹⁰ Die aarde bewe van skrik wanneer hulle aankom en die hemel sidder; dit word pikdonker rondom hulle; dit lyk of die son en die maan nie meer skyn nie en of die sterre al hulle glans verloor het.

Joël 2:10 Kruisverwysings

Psalms 114:7

Sidder, aarde, voor die Heer, voor die God van Jakob,

Psalms 18:7

In my benoudheid het ek na die Here bly roep; na my God het ek om hulp geroep. In sy paleis het Hy my stem gehoor; my hulpgeroep voor Hom het sy ore bereik.

Jesaja 13:10

Ja, die sterre aan die hemelruim, en Orion met sy sterrebeelde laat nie meer hulle lig skyn nie. Die son word donker sodra dit opkom, en die maan straal nie sy lig uit nie.

Jesaja 34:4

Al die hemelliggame sal wegsmelt, en soos 'n boekrol sal die hemel opgerol word. Al die hemelliggame sal verskrompel soos die blare van 'n wingerdstok verskrompel, soos verskrompelde vrugte aan 'n vyeboom.

Jesaja 5:30

Op daardie dag sal hy oor sy prooi grom soos 'n bulderende see. Iemand sal na die land staar, en kyk, daar is 'n beklemmende donkerte; die lig is verduister vanweë die wolke oor die land.

Jeremia 4:23

Ek het na die aarde gekyk, en kyk, dit was woes en leeg, ook na die hemel, en daar was geen lig nie!

Joël 2:2

Dit is 'n dag van duisternis en donkerte, 'n dag van wolke en diepe duisternis. Soos die rooidag wat oor die berge uitsprei, so is daar 'n groot en magtige volk soos daar nog nooit tevore was, of ooit weer sal wees nie tot in die verste nageslag.

Joël 2:31

Die son sal verander word in donkerte, en die maan in bloed, voordat die groot en verskriklike dag van die Here kom.

Joël 3:4

“ Verder, wat het julle met My te doen, Tirus en Sidon en al die gebiede van Filistea? Wil julle julle op My wreek? As julle My iets wil aandoen, sal Ek gou, blitsvinnig, julle dade op julle koppe laat neerkom,

Amos 5:8

Hy wat die Sewester en Orion maak, wat stikdonker verander in môre en dag in nag laat verdonker; wat die water van die see roep en dit uitgiet oor die oppervlakte van die aarde – Here is sy Naam.

Nahum 1:5

Die berge bewe voor Hom, die heuwels stort ineen. Die aarde lê verwoes voor Hom, ja, die wêreld met al sy bewoners.

Matteus 24:29

“Onmiddellik ná die verdrukking van daardie dae “ ‘sal die son verduister word, en die maan sal sy lig nie gee nie, en die sterre sal van die hemel val, en die kragte van die hemele sal geskud word. ’

Matteus 27:51

En kyk, die voorhangsel in die heiligdom is van bo tot onder in twee geskeur, die aarde is geskud en die rotse is oopgebreek.

Handelinge 2:20

Die son sal verander in duisternis en die maan in bloed, voordat die groot en glorieryke dag van die Here kom.

Openbaring 20:11

Toe het ek 'n groot wit troon gesien, en Iemand wat daarop sit. Die aarde en die hemel het van sy aangesig af weggevlug, en daar was nie meer plek vir hulle nie.

Openbaring 6:12

Ek het gesien toe Hy die sesde seël oopbreek. En daar het 'n groot aardbewing plaasgevind. Die son het swart geword soos 'n harige sak, en die maan het geheel en al soos bloed geword.

Openbaring 8:12

Die vierde engel het op sy trompet geblaas, en 'n derde van die son, 'n derde van die maan en 'n derde van die sterre is getref, sodat 'n derde van hulle verduister is. Vir 'n derde van die dag was daar nie lig nie; en net so was dit ook in die nag.

Openbaring 9:2

Hy het die skag na die onpeilbare diepte oopgesluit, en rook het uit die skag opgeborrel, soos rook uit 'n groot smeltoond. Die son en lug is deur die rook uit die skag verduister.