Joël 2:11 - Die Bybel 2020-vertaling

¹¹ En die Here self verhef sy stem voor sy leërmag uit, want geweldig groot is sy leër, ja, magtig is hulle wat sy bevel uitvoer. Voorwaar, die dag van die Here is groot, uitermate verskriklik – wie kan dit verduur?

Bybel vir almal

¹¹ Dit is die Here self wat die sprinkane bring. Die sprinkane is sy soldate, en Hy roep hulle om te kom. Hulle is baie soldate en hulle is sterk, en hulle almal luister na Hom. Ja, die dag van die Here is 'n vreeslike dag! Dit is 'n verskriklike dag, niemand sal lewe wanneer daardie dag verby is nie.

Afrikaans 1933-1953

¹¹ En die Here verhef sy stem voor sy leërmag uit; want geweldig groot is sy leër, ja, magtig die uitvoerder van sy woord. Want die dag van die Here is groot en uitermate vreeslik, en wie kan dit verdra?

Afrikaans 1983

¹¹ Die Here laat sy stem weerklink voor sy leërmag uit. Sy leër is ontsaglik groot, dié wat die Here se bevel uitvoer, is sterk. Die dag van die Here is 'n groot dag, 'n verskriklike dag; wie is daarteen bestand?

Contemporary Afrikaans Bible 2023

¹¹ En die HERE sal sy stem verhef voor sy leër, want sy laer is baie groot, want hy is sterk wat sy woord uitvoer; want die dag van die HERE is groot en baie vreeslik; en wie kan dit verduur?

Die Boodskap

¹¹ Die Here voer sy leër aan met ’n oorlogskreet. Hy roep hulle op om te veg. Dit is ’n reuseleër wat presies doen wat die Here sê. Die dag van die Here is ’n verskriklike dag. Wie sal dit kan oorleef?

Joël 2:11 Kruisverwysings

Psalms 18:14

Die Here laat die donder weerklink in die hemelruim; die Allerhoogste laat sy stem hoor met hael en gloeiende kole vuur.

Psalms 46:6

God is in haar midde, sy sal nie wankel nie. God sal haar help wanneer die oggend aanbreek.

Psalms 68:18

Die strydwamag van God is tienduisende, duisende der duisende. My Heer het van Sinai af by die heiligdom aangekom.

Jesaja 13:4

Luister! Die gedruis op die berge soos van baie manskappe! Luister! Die gedreun van koninkryke, van nasies wat byeen is! Die Here, Heerser oor alle magte, monster 'n leër vir oorlog.

Jesaja 42:13

Die Here, soos 'n held trek Hy uit, soos 'n krygsman wakker Hy die krygslus aan. Hy roep die strydkreet, ja, Hy skreeu die oorlogskreet uit; aan sy vyande betoon Hy Homself as die magtige.

Jesaja 7:18

“ Op daardie dag sal die Here fluit vir die vlieë wat aan die einde van die strome van Egipte is, en vir die bye wat in die land Assirië is.

Jeremia 25:30

“En jy, jy moet al hierdie woorde teen hulle profeteer. Jy moet vir hulle sê, ‘Die Here, uit die hoogte sal Hy brul, uit sy heilige woning sal Hy sy stem laat hoor. Hy brul geweldig teen sy blyplek. 'n Kreet soos van druiwetrappers hef Hy aan teen al die bewoners van die aarde.

Jeremia 30:7

Helaas, want daardie dag is groot en sonder gelyke! Dit is 'n tyd van benoudheid vir Jakob, maar hy sal daaruit verlos word.

Jeremia 50:34

Hulle losser is sterk, Here, Heerser oor alle magte is sy Naam. Hy sal beslis hulle regstryd voer, sodat Hy die aarde tot rus kan bring, maar onrus kan skep vir die inwoners van Babel.

Esegiël 22:14

Sal jou hart standhou of jou hande sterk bly in die tyd wanneer Ek teen jou optree? Ek, die Here, het gepraat, en Ek gaan optree.

Joël 1:15

Ag, daardie dag! Ja, die dag van die Here is naby en dit kom as verwoesting van die Almagtige af.

Joël 1:6

Want, 'n nasie het opgetrek teen my land, magtig en ontelbaar. Hulle tande is die tande van 'n leeu, hulle het die kake van 'n leeuwyfie.

Joël 2:1

Blaas die •ramshoring op Sion, maak alarm op my heilige berg! Al die inwoners van die land moet bewe, want die dag van die Here is aan die kom, ja, dit is naby!

Joël 2:2

Dit is 'n dag van duisternis en donkerte, 'n dag van wolke en diepe duisternis. Soos die rooidag wat oor die berge uitsprei, so is daar 'n groot en magtige volk soos daar nog nooit tevore was, of ooit weer sal wees nie tot in die verste nageslag.

Joël 2:25

“ Ek sal julle vergoed vir die jare toe die treksprinkane, die voetgangers, die kaalvreters en die ruspes alles opgevreet het, daardie groot leërmag van My wat Ek teen julle uitgestuur het.

Joël 2:31

Die son sal verander word in donkerte, en die maan in bloed, voordat die groot en verskriklike dag van die Here kom.

Joël 3:14

Skares, daar is skares mense in die dal van beslissing! Ja, die dag van die Here is naby in die dal van beslissing!

Joël 3:16

En die Here, uit Sion brul Hy, uit Jerusalem verhef Hy sy stem, sodat hemel en aarde bewe. Maar die Here is 'n toevlugsoord vir sy volk, 'n skuilplek vir die Israeliete.

Amos 1:2

Hy het gesê: “Die Here brul uit Sion, uit Jerusalem laat Hy sy stem hoor. Die weivelde van die herders verdroog, die top van Karmel verdor.”

Amos 5:18

Wee dié wat uitsien na die dag van die Here. Wat hou dit vir julle in? Die dag van die Here is duisternis, nie lig nie,

Amos 5:20

Die dag van die Here, is dit nie duisternis, en nie lig nie, donker met geen ligglans nie?

Obadja 1:15

Voorwaar, die dag van die Here oor al die nasies is naby! Soos wat jy gedoen het, sal aan jou gedoen word. Jou daad sal terugkeer op jou kop. ”

Nahum 1:6

Wie kan staande bly voor sy verontwaardiging, wie kan sy brandende toorn weerstaan? Wanneer sy woede uitbars soos vuur, spat rotse voor Hom uiteen.

Maleagi 3:2

Wie kan die dag van sy koms verduur, wie kan staande bly wanneer hy verskyn? Ja, daardie dag is soos die vuur van die smelter en soos die loog van wassers.

Numeri 24:23

Bileam het sy orakelspreuk aangehef en gesê: “Helaas, wie sal oorleef sonder dat God dit beskik?

1 Thessalonisense 4:16

Want die Here self sal met 'n luide bevel, met die stem van 'n aartsengel, en met 'n trompetgeskal van God, uit die hemel afkom, en diegene wat in •Christus gesterf het, sal eerste opstaan.

Openbaring 18:8

Daarom sal die plae wat vir haar bedoel is, haar op een dag tref, dood en smart en hongersnood, en sy sal met vuur verbrand word; want magtig is die Here God, wat die oordeel oor haar gevel het. ”

Openbaring 6:17

want die groot dag van hulle toorn het aangebreek, en wie kan staande bly?”