Jeremia 11:11 - Die Bybel 2020-vertaling

¹¹ Daarom, so sê die Here: “Kyk, Ek gaan oor hulle teenspoed bring waaraan hulle nie sal kan ontsnap nie. Hulle sal na My roep om hulp, maar Ek sal nie na hulle luister nie.

Bybel vir almal

¹¹ Daarom sal Ek hulle straf. Hulle sal swaarkry en hulle sal My roep en vra Ek moet help, maar Ek sal nie luister nie.

Afrikaans 1933-1953

¹¹ Daarom, so sê die Here: Kyk, Ek bring 'n onheil oor hulle, waaruit hulle nie sal kan uitkom nie; dan sal hulle na My roep, maar Ek sal na hulle nie luister nie.

Afrikaans 1983

¹¹ Omdat dit so is, sê die Here, bring Ek 'n ramp oor hulle waaraan hulle nie sal kan ontkom nie. Hulle sal na My om hulp roep, maar Ek sal nie na hulle luister nie.

Contemporary Afrikaans Bible 2023

¹¹ Daarom, so sê die HERE: Kyk, Ek bring onheil oor hulle, wat hulle nie sal kan ontvlug nie; en al sou hulle na My roep, Ek sal nie na hulle luister nie.

Die Boodskap

¹¹ Omdat hulle so maak,” sê die Here, “sal ’n ramp hulle tref. Daar is nie ’n manier dat hulle dit sal vryspring nie. Al bid hulle dat Ek hulle moet help, Ek sal nie na hulle luister nie.

Nuwe Lewende Vertaling

¹¹ Omdat hulle so optree,” sê die Here, “sal Ek hulle tref met ’n ramp wat hulle nie sal vryspring nie. Al smeek hulle My om hulp, sal Ek nie na hulle luister nie.

Jeremia 11:11 Kruisverwysings

2 Konings 22:16

so sê die Here: “Kyk, Ek gaan onheil bring oor hierdie plek en sy inwoners – al die woorde van die boekrol wat die koning van Juda gelees het –

2 Kronieke 34:24

so sê die Here: Kyk, Ek gaan onheil bring oor hierdie plek en sy inwoners – al die vervloekings wat geskryf staan in hierdie boekrol waaruit hulle vir die koning van Juda voorgelees het.

Job 35:13

Na 'n leë geroep luister God egter nie; die Almagtige slaan nie daarop ag nie.

Psalms 18:41

My vyande – U het hulle vir my laat vlug; en my haters – ek kon hulle vernietig.

Psalms 66:18

Wat onreg betref, as ek dit in my hart sou gewaar, sou my Heer nie geluister het nie.

Spreuke 1:28

“ Dan sal hulle na my roep, maar ek sal nie antwoord nie; hulle sal my soek, maar my nie vind nie.

Spreuke 29:1

Iemand wat ná teregwysings hardnekkig bly, sal onverwags verpletter word, sonder kans op herstel.

Jesaja 1:15

As julle julle hande uitstrek, sluit Ek my oë vir julle. Selfs as julle baie bid, luister Ek nie. Julle hande is vol bloed.

Jesaja 24:17

Verskrikking, 'n vanggat, 'n vangnet wag op julle, bewoners van die aarde.

Jeremia 11:14

En jy, jy moenie vir hierdie volk bid nie; moenie vir hulle 'n klaagroep, 'n gebed opstuur nie, want Ek luister nie wanneer hulle na My roep vanweë die ramp wat hulle tref nie.

Jeremia 11:17

Die Here, Heerser oor alle magte, wat jou geplant het, het 'n ramp oor jou aangekondig weens die boosheid van die huis van Israel en die huis van Juda, die boosheid wat hulle gepleeg het om My te tart, deur vir Baäl offers te verbrand.

Jeremia 14:12

Wanneer hulle vas, luister Ek nie na hulle klaagroep nie; en wanneer hulle •brandoffers en •graanoffers bring, aanvaar Ek hulle nie. Maar met die swaard, hongersnood en pessiekte sal Ek 'n einde aan hulle maak.”

Jeremia 14:2

“Juda treur, en sy poorte kwyn weg; die mense sit in rouklere op die grond, 'n gejammer styg van Jerusalem af op.

Jeremia 15:2

En as hulle vir jou vra, ‘Waarheen moet ons gaan?’ moet jy vir hulle sê, ‘So sê die Here: “Wie vir die dood bestem is, na die dood, wie vir die swaard bestem is, na die swaard, wie vir hongersnood bestem is, na die hongersnood, en wie vir die ballingskap bestem is, na die ballingskap!” ’

Jeremia 18:11

Sê dan nou tog vir die manne van Juda en die inwoners van Jerusalem, ‘So sê die Here: “Kyk, Ek maak onheil gereed vir julle, en beraam planne teen julle. Draai tog terug, elkeen van sy verkeerde pad, en laat julle doen en late goed wees.” ’

Jeremia 19:15

“So sê die Here, Heerser oor alle magte, die God van Israel, ‘Kyk, Ek gaan oor hierdie stad en al haar dorpies al die onheil bring wat Ek oor haar uitgespreek het, want hulle was hardnekkig deur nie na my woorde te luister nie. ’ ”

Jeremia 19:3

Jy moet sê, ‘Hoor die woord van die Here, konings van Juda en inwoners van Jerusalem! So sê die Here, Heerser oor alle magte, die God van Israel: “Kyk, Ek gaan onheil bring oor hierdie plek, sodat elkeen wat dit hoor, se ore sal tuit.

Jeremia 23:12

“Daarom sal hulle pad vir hulle word soos glibberige plekke in die donker; hulle sal gestamp word en daarop val. Want Ek bring onheil oor hulle in die jaar waarin daar van hulle rekenskap geëis word,” is die uitspraak van die Here.

Jeremia 25:35

'n Toevlugsoord sal vir die herders verlore wees, ook 'n uitkomkans vir die maghebbers oor die kleinvee.

Jeremia 35:17

“ ‘ “Daarom,” ’ ” so sê die Here, die God van alle magte, die God van Israel, “ ‘ “Kyk, Ek gaan oor Juda en al die inwoners van Jerusalem al die onheil bring wat Ek oor hulle uitgespreek het, omdat Ek met hulle gepraat, maar hulle nie geluister het nie, Ek hulle geroep, maar hulle nie geantwoord het nie.” ’ ”

Jeremia 36:31

Ek sal van hom en sy nageslag en sy dienaars rekenskap eis oor hulle sondeskuld. Ek sal oor hulle en oor die inwoners van Jerusalem en oor die mense van Juda al die onheil bring wat Ek oor hulle uitgespreek het. Maar hulle het nie geluister nie.” ’ ”

Jeremia 6:19

Luister, land! Kyk, Ek gaan onheil bring oor hierdie volk – die vrug van hulle planne. Want op my woorde het hulle nie ag geslaan nie, en my wet, dit het hulle verwerp.

Klaagliedere 2:22

Van oraloor het U dié wat my bedreig, bymekaargeroep soos op 'n feesdag; en op die dag van die Here se toorn het niemand ontsnap of ontkom nie. My vyand het dié wat ek voortgebring en grootgemaak het, uitgewis.

Esegiël 14:3

“ Mensekind, hierdie manne het aan afgodsbeelde 'n plek gegee in hulle harte. Hulle sien nie af van die struikelblok wat hulle sondeskuld meebring nie. Moet Ek My enigsins deur hulle laat raadpleeg?

Esegiël 7:5

“ So sê die Heer, die Here, ‘Onheil, ongekende onheil, kyk, dit kom!

Esegiël 8:18

Op my beurt gaan Ek in woede optree. Ek sal nie 'n traan stort nie, Ek sal nie deernis hê nie. Al roep hulle baie hard in my ore, Ek sal nie na hulle luister nie.”

Amos 5:19

soos wanneer iemand vlug vir 'n leeu, maar 'n beer val hom aan. As hy wel in die huis kom en met sy hand teen die muur leun, dan pik 'n slang hom.

Miga 3:4

Dan sal hulle na die Here om hulp roep, maar Hy sal hulle nie antwoord nie. In daardie tyd sal Hy sy gesig vir hulle verberg omdat hulle optrede boos was.

Sagaria 7:13

“ ‘Soos hulle nie geluister het toe daar geroep is nie, so roep hierdie mense en luister Ek nie,’ sê die Here, Heerser oor alle magte.

1 Thessalonisense 5:3

Wanneer hulle sê, “Daar is vrede en veiligheid,” kom daar skielik vernietiging oor hulle, soos geboortepyne 'n swanger vrou oorval, en hulle sal beslis nie ontkom nie.

Hebreërs 1:3

Hy is die uitstraling van God se heerlikheid, en die ewebeeld van sy wese. Hy hou alles in stand deur sy magtige woord; en nadat Hy die reiniging van sondes bewerk het, het Hy gaan sit aan die regterhand van die Majesteit in die hoogtes.