2 Samuel 6:7 - Die Bybel 2020-vertaling

⁷ Die toorn van die Here het teen Ussa ontbrand, en God het hom net daar getref oor dié oneerbiedigheid. Hy het daar by die ark van God gesterf.

Bybel vir almal

⁷ Dit was 'n fout. Die Here het kwaad geword vir Ussa en Hy het vir Ussa daaroor gestraf. Ussa het daar by die kis van God gesterf.

Afrikaans 1933-1953

⁷ Daarop het die toorn van die Here teen Ussa ontvlam, en God het hom daar getref oor dié vergryp, sodat hy daar by die ark van God gesterf het.

Afrikaans 1983

⁷ Die toorn van die Here het teen Ussa ontvlam en God het hom net daar, by die daad van heiligskennis, getref. Hy het op die plek gesterf, langs die ark van God.

Contemporary Afrikaans Bible 2023

⁷ En die toorn van die HERE het teen Ussa ontvlam; en God het hom daar weens sy dwaling geslaan; en daar het hy gesterf by die ark van God.

Die Boodskap

⁷ Die Here het so kwaad geword vir Ussa oor hy so astrant was, dat Hy hom net daar doodgemaak het. Ussa het dood neergeslaan langs die ark van God.

Nuwe Lewende Vertaling

⁷ Toe ontvlam die toorn van die Here teen Ussa en tref hom sodat hy daar langs die ark van God gesterf het.

2 Samuel 6:7 Kruisverwysings

2 Samuel 6:8

Dawid was ontsteld daaroor dat die Here Ussa stukkend gebreek het, en hy het daardie plek Peres-Ussa genoem. Dit is vandag nog die naam.

1 Kronieke 13:10

Die toorn van die Here het teen Ussa ontbrand en Hy het hom getref, omdat hy sy hand na die ark uitgesteek het. Hy het net daar voor God gesterf.

1 Kronieke 15:13

want die eerste keer was dit nie julle wat dit gedoen het nie. Die Here ons God het ons uitmekaar geslaan, omdat ons Hom nie geraadpleeg het soos dit hoort nie.”

1 Kronieke 15:2

Toe sê Dawid: “Niemand mag die ark van God dra nie, behalwe die Leviete. Want dit is hulle wat deur die Here uitgekies is om die ark van die Here te dra en Hom vir altyd te dien.”

Numeri 1:51

Wanneer die tabernakel verskuif word, moet die Leviete dit afbreek, en wanneer die tabernakel weer opgeslaan word, moet die Leviete dit oprig. 'n Onbevoegde persoon wat naby kom, moet doodgemaak word.

Numeri 4:15

Aäron en sy seuns moet die heiligdom en al die heilige voorwerpe toemaak wanneer die kamp verskuif. Eers daarna kan die nageslag van Kehat kom om dit te dra. Hulle mag nie aan iets heiligs raak nie, anders sterf hulle. Dit is dan die voorwerpe in die Tent van Ontmoeting wat die nageslag van Kehat moet dra.

1 Samuel 25:38

Ongeveer tien dae later het die Here Nabal getref, en is hy dood.

1 Samuel 6:19

Maar die Here het van die inwoners van Bet-Semes getref, omdat hulle die ark van die Here bekyk het. Hy het sewentig man van die bevolking getref. Die volk het getreur, omdat die Here so 'n groot slagting onder die volk aangerig het.