2 Samuel 6:5 - Die Bybel 2020-vertaling

⁵ Dawid en die hele huis van Israel was uitbundig voor die Here met die klank van allerlei instrumente van sipreshout, en met liere, harpe, tamboeryne, sistrums en simbale.

Bybel vir almal

⁵ Dawid en al die leiers van Israel het voor die verbondskis gespeel op musiek-instrumente van sipreshout, op liere en harpe en ratels en simbale.

Afrikaans 1933-1953

⁵ En Dawid en die hele huis van Israel het voor die aangesig van die Here gespeel met allerhande instrumente van sipreshout, naamlik met siters en harpe en tamboeryne, en bekkens en simbale.

Afrikaans 1983

⁵ Dawid en die hele Israel het uitbundig voor die ark van die Here gedans, begelei deur liedere, liere, harpe, tamboeryne, ratels en simbale.

Contemporary Afrikaans Bible 2023

⁵ En Dawid en die hele huis van Israel het voor die aangesig van die HERE gespeel op allerhande instrumente van sipreshout, op siters en op harpe en op tamboere en op kornete en op simbale.

Die Boodskap

⁵ Dawid en al die leiers van Israel het gedans en vir die Here op liere en harpe gespeel wat van sipreshout gemaak is, en op tamboeryne en ratels en simbale.

Nuwe Lewende Vertaling

⁵ Dawid en al die mense van Israel het met oorgawe voor die Here gedans terwyl hulle sing en op allerlei musiekinstrumente gespeel het. Daar was liere, harpe, tamboeryne, ratels en simbale.

2 Samuel 6:5 Kruisverwysings

2 Konings 3:15

Bring dan nou vir my iemand wat 'n snaarinstrument bespeel.” Toe die persoon op die snaarinstrument begin speel, het die hand van die Here oor hom gekom,

1 Kronieke 13:8

Dawid en die hele Israel was in algehele oorgawe uitbundig voor God, met liedere, harpe, liere, tamboeryne, simbale en trompette.

1 Kronieke 15:28

Die hele Israel was besig om die verbondsark van die Here met uitroepe en die geluid van 'n •ramshoring, trompette en simbale boontoe te neem, terwyl hulle op harpe en liere speel.

2 Kronieke 20:28

Hulle het Jerusalem binnegegaan met harpe, liere en trompette, op pad na die huis van die Here.

Psalms 47:5

Hy kies vir ons ons erfgrond, die trots van Jakob, wat Hy liefhet. •Sela

Daniël 3:10

U, o koning, u het 'n bevel uitgevaardig dat elke mens wat die geluid van die horing, rietfluit, siter, lier en harp in harmonie, ja, al die musiekinstrumente, hoor, moet neerval en aan die goue beeld eer betoon.

Daniël 3:15

Nou, as julle bereid is om, sodra julle die geluid hoor van die horing, rietfluit, siter, lier en harp, in harmonie, ja, al die musiekinstrumente, neer te val en aan die beeld wat ek gemaak het, eer te betoon, goed en wel. Maar as julle nie eer betoon nie, sal julle dadelik binne-in die vlammende vuuroond gegooi word. Wie is die god wat julle dan uit my hand sal red?”

Daniël 3:5

Sodra julle die geluid hoor van die horing, rietfluit, siter, lier en harp, in harmonie, ja, al die musiekinstrumente, moet julle neerval en eer betoon aan die goue beeld wat koning Nebukadnesar opgerig het.

Daniël 3:7

Daarom, die oomblik toe al die volke die geluid hoor van die horing, rietfluit, siter, lier en harp, ja, al die musiekinstrumente, het al die volke, nasies en taalgroepe neergeval en eer betoon aan die goue beeld wat koning Nebukadnesar opgerig het.

Amos 5:23

Hou die lawaai van julle liedere weg van My; die klank van julle harpe wil Ek nie hoor nie.

Amos 6:5

Hulle neurie met begeleiding van die harp; soos Dawid, improviseer hulle op musiekinstrumente.

1 Samuel 10:5

“Daarna sal jy by Gibea van God uitkom, waar wagposte van die Filistyne is. Sodra jy daar die stad binnegaan, sal jy 'n groep profete raakloop wat afkom van die •offerhoogte af. Voor hulle word daar op harpe, tamboeryne, fluite en liere gespeel, terwyl hulle in geestesvervoering is.

1 Samuel 16:16

U Majesteit moet maar net praat. U dienaars hier voor u sal iemand soek wat weet hoe om op 'n lier te speel. Wanneer die bose gees van God oor u kom, kan hy dit bespeel en dit sal goed wees vir u. ”