2 Samuel 6:2 - Die Bybel 2020-vertaling

² Dawid en al die manskappe wat by hom was, het toe gereedgemaak en na Baäla in Juda vertrek om daarvandaan die ark van God te bring, die ark waaroor die Naam uitgeroep is, die Naam van die Here, Heerser oor alle magte, wat troon op die gerubs.

Bybel vir almal

² Hy en al die manne het gereedgemaak en hulle het na die stad Baäl in Juda gegaan om die verbondskis daar te gaan haal. Dit is die kis van God, die kis wat sy Naam het, die Naam van die Here wat oor alles regeer. Sy troon is bokant die gerubs.

Afrikaans 1933-1953

² en Dawid het hom klaargemaak en met al die mense opgetrek wat by hom was, van Báäle-Juda, om die ark van God, waaroor die Naam uitgeroep is, die Naam van die Here van die leërskare wat op die gérubs troon, daarvandaan te gaan haal.

Afrikaans 1983

² Hy het klaargemaak en saam met die hele leër na Baäla in Juda toe gegaan om die ark van God te gaan haal. Dit is die ark waaroor die Naam: “die Here die Almagtige wat oor die gerubs troon”, uitgeroep is.

Contemporary Afrikaans Bible 2023

² Dawid het hom klaargemaak en saam met die hele volk gegaan wat saam met hom was van Baäl van Juda af, om die ark van God, wie se naam die Naam van die HERE van die leërskare is, wat tussen die gérubs woon, daarvandaan op te bring.

Die Boodskap

² Hy het saam met al hierdie manne na Baäla toe gegaan. Baäla is in Juda. Hulle het die ark van God daar gaan haal. Dis daardie beroemde ark, die een wat die troon van die magtige Here is. Die Here sit mos op die gerubs wat op die ark se deksel is.

Nuwe Lewende Vertaling

² Hy en al die mense by hom het na Baäla in Juda gegaan om die ark van God te gaan haal. Dit is die ark waaroor die naam “die Here, die Almagtige, wat oor die gerubs troon”, uitgeroep is.

2 Samuel 6:2 Kruisverwysings

2 Samuel 22:11

Hy het op 'n gerub gery, Hy het gevlieg, verskyn op die vlerke van die wind.

Psalms 80:1

Vir die •musiekleier. Op “Narsings”. 'n Getuienis. Van Asaf. 'n Psalm.

Psalms 99:1

Die Here regeer – laat die volke bewe! Hy troon oor gerubs – laat die wêreld sidder!

Jesaja 47:4

Ons losser, die Here, Heerser oor alle magte is sy Naam, die Heilige van Israel.

Jesaja 54:5

Want Hy wat met jou trou, is jou Maker; die Here, Heerser oor alle magte is sy Naam. Hy wat jou loskoop, is die Heilige van Israel. God van die hele wêreld word Hy genoem.

Josua 15:60

Kirjat-Baäl, dit is Kirjat-Jearim, en Rabba – 2 dorpe met hulle gehuggies.

1 Petrus 1:12

Aan hulle is geopenbaar dat hulle, wat hierdie dinge betref, nie besig was om hulleself nie, maar júlle, te bedien. Hierdie dinge is nou aan julle meegedeel deur hulle wat die evangelie aan julle verkondig het, deur die Heilige Gees, wat van die hemel gestuur is. Selfs engele begeer om insig hierin te verkry.

1 Samuel 4:4

Die manskappe stuur toe mense na Silo, en hulle het die verbondsark van die Here, Heerser oor alle magte, wat op die gerubs troon, van daar af gebring. Die twee seuns van Eli, Hofni en Pinehas, was daar by die verbondsark van God.

1 Samuel 6:21

Hulle stuur toe boodskappers na die inwoners van Kirjat-Jearim met die versoek: “Die Filistyne het die ark van die Here teruggebring. Kom af hierheen en neem dit op na julle.”

1 Samuel 7:1

Die manne van Kirjat-Jearim het toe gekom. Hulle het met die ark van die Here opgegaan en dit na die huis van Abinadab op die heuwel geneem. Hulle het Eleasar, sy seun, gewy om die ark van die Here op te pas.