2 Samuel 5:12 - Die Bybel 2020-vertaling

¹² Dawid het besef dat die Here hom as koning oor Israel gevestig het en dat die Here sy koningskap aansien gegee het ter wille van sy volk Israel.

Bybel vir almal

¹² Dawid het besef dat die Here vir hom koning oor Israel gemaak het. Hy het besef dat die Here lief is vir sy volk Israel en dat Hy daarom vir Dawid 'n belangrike koning laat word het.

Afrikaans 1933-1953

¹² So het Dawid dan gewaar geword dat die Here hom as koning oor Israel bevestig en sy koningskap verhef het ter wille van sy volk Israel.

Afrikaans 1983

¹² Dawid het toe besef dat die Here hom as koning oor Israel bevestig het en dat die Here Dawid se koningskap in hoë aansien gebring het ter wille van die volk Israel.

Contemporary Afrikaans Bible 2023

¹² En Dawid het bemerk dat die HERE hom as koning oor Israel aangestel het en dat hy sy koninkryk verhef het ter wille van sy volk Israel.

Die Boodskap

¹² Dawid het besef dat die Here hom koning gemaak het oor Israel en dat sy koninkryk belangrik geword het omdat die Here vir sy volk Israel omgee.

Nuwe Lewende Vertaling

¹² Dawid het besef dat die Here hom as koning oor Israel bevestig het en sy koninkryk aansien gegee het ter wille van sy volk Israel.

2 Samuel 5:12 Kruisverwysings

2 Samuel 5:11

Hiram, die koning van Tirus, het gesante na Dawid gestuur, asook sederhout, skrynwerkers en klipmesselaars. Hulle het vir Dawid 'n paleis gebou.

2 Samuel 5:13

Dawid het nog byvroue en vroue uit Jerusalem geneem nadat hy uit Hebron daar aangekom het. Daar is toe vir Dawid nog seuns en dogters gebore.

2 Samuel 7:16

Jou huis en jou koningskap sal vir altyd bestendig wees voor My, jou troon sal vir altyd in stand bly.” ’ ”

1 Konings 10:9

Die Here u God moet geprys word, Hy wat u so goedgesind is om u op die troon van Israel te plaas. Omdat die Here Israel altyd liefhet, het Hy u as koning aangestel om reg en geregtigheid te laat geskied. ”

1 Kronieke 14:2

Dawid het besef dat die Here hom as koning oor Israel gevestig het, want sy koningskap het hoë aansien geniet om sy volk Israel se onthalwe.

2 Kronieke 2:11

Huram, die koning van Tirus, het 'n skriftelike antwoord vir Salomo gestuur: “Omdat die Here sy volk liefhet, het Hy u as koning oor hulle aangestel.”

Ester 4:14

Want as jy wel in hierdie tyd sou swyg, sal daar uitkoms en redding vir die Jode van 'n ander plek af kom; maar jy en jou familie sal omkom. En wie weet of jy nie juis vir 'n tyd soos hierdie koninklike status verkry het nie?”

Daniël 2:30

En wat my betref, hierdie geheim is aan my geopenbaar, nie deur wysheid wat by my meer sou wees as by al die lewendes nie, maar ter wille daarvan dat die uitleg aan die koning bekend gemaak sal word, en u die gedagtes van u hart kan ken.

Numeri 24:7

Water loop uit Israel se leersak; sy saad kry oorvloedig water. Sy koning styg uit bo Agag, en sy heerskappy sal verhewe wees.