2 Samuel 3:21 - Die Bybel 2020-vertaling

²¹ Abner sê toe vir Dawid: “Ek wil gereedmaak en gaan; ek wil die hele Israel by my heer die koning byeenbring, sodat hulle met u 'n ooreenkoms kan sluit, en sodat u oor alles wat u hart begeer, kan regeer.” Dawid het Abner weggestuur en hy het in vrede vertrek.

Bybel vir almal

²¹ Toe het Abner vir Dawid gesê: “Ek wil nou gereedmaak en ek wil al die leiers van Israel bymekaarbring by Meneer die koning sodat hulle 'n ooreenkoms kan maak met jou. Dan sal jy koning wees van al die mense. Ek weet jy wil hulle koning wees.” Dawid het gesê Abner mag gaan, en niemand het vir Abner probeer keer nie.

Afrikaans 1933-1953

²¹ En Abner sê vir Dawid: Ek wil my klaarmaak en die hele Israel by my heer die koning gaan versamel, dat hulle met u 'n verbond sluit; dan kan u heers oor alles wat u siel begeer. Daarop het Dawid Abner laat gaan, en hy het in vrede weggegaan.

Afrikaans 1983

²¹ Abner sê toe vir Dawid: “Met u verlof gaan ek nou die hele Israel by u, die koning, bymekaarbring sodat hulle met u 'n verdrag kan sluit; dan sal u koning wees volgens u hartsbegeerte.” Dawid het daartoe ingestem en Abner het ongehinderd vertrek.

Contemporary Afrikaans Bible 2023

²¹ Daarop sê Abner vir Dawid: Ek sal opstaan en gaan en die hele Israel by my heer die koning versamel, dat hulle 'n verbond met jou kan sluit en jy kan heers oor alles wat jou hart begeer. En Dawid het Abner weggestuur; en hy het in vrede gegaan.

Die Boodskap

²¹ By die ete sê Abner vir Dawid: “U Majesteit, ek gaan die leiers van al die Israeliete hier na u toe bring sodat hulle met u ’n ooreenkoms kan maak. Dan kan u wens waar word en kan u koning wees oor die hele land.” Na die tyd het Dawid vir Abner laat gaan. Hulle is as goeie vriende uitmekaar.

Nuwe Lewende Vertaling

²¹ Toe sê Abner vir Dawid: “Laat my toe om die hele Israel na u kant toe oor te haal om ’n ooreenkoms met u te sluit sodat u kan heers oor alles wat u hart begeer.” Daarna het Dawid vir Abner ongehinderd laat gaan.

2 Samuel 3:21 Kruisverwysings

2 Samuel 2:9

Hy het hom koning gemaak oor Gilead, die Asuriete en Jisreël, en ook oor Efraim en Benjamin – oor die hele Israel.

2 Samuel 3:10

om die koningskap van die huis van Saul af na hom te laat oorgaan, en om die troon van Dawid oor Israel en Juda te vestig van Dan tot Berseba.”

2 Samuel 3:12

Abner het daarna boodskappers na Dawid gestuur om namens hom te vra, “Aan wie behoort die land eintlik?” en ook om te sê: “Sluit 'n ooreenkoms met my; kyk, dan sal ek met jou saamwerk om die hele Israel na jou oor te haal.”

2 Samuel 3:20

Abner het by Dawid in Hebron aangekom met twintig man by hom. Dawid het vir Abner en die manne wat by hom was, 'n feesmaal voorberei.

2 Samuel 5:3

Toe al die oudstes van Israel na die koning in Hebron gekom het, het koning Dawid voor die Here 'n verbond met hulle gesluit in Hebron; en hulle het Dawid as koning gesalf oor Israel.

1 Konings 11:37

Maar jou sal Ek neem, en jy sal as koning heers oor alles wat jy begeer – jy sal koning wees oor Israel.

Psalms 20:4

Mag Hy al u offergawes in gedagte hou, u •brandoffers aanvaarbaar vind. •Sela

Filippense 2:21

Almal soek net hulle eie belang, nie dié van Jesus •Christus nie.