2 Samuel 3:22 - Die Bybel 2020-vertaling

²² Juis toe het Joab en die volgelinge van Dawid teruggekom van 'n strooptog af. Hulle het baie buit met hulle saamgebring. Abner was toe nie meer by Dawid in Hebron nie, want Dawid het hom weggestuur, en hy het in vrede vertrek.

Bybel vir almal

²² Maar Joab en die manne van Dawid het vyande gaan aanval, en hulle kom toe in hierdie tyd terug. Hulle het baie goed saamgebring wat hulle gevat het. Abner was toe nie meer in Hebron nie, want Dawid het hom laat gaan en niemand het hom probeer keer nie.

Afrikaans 1933-1953

²² Intussen kom die dienaars van Dawid en Joab juis van 'n rooftog af, en hulle bring 'n groot buit met hulle saam. Maar Abner was nie meer by Dawid in Hebron nie, want dié het hom laat gaan, en hy het in vrede vertrek.

Afrikaans 1983

²² En toe gebeur die onvoorsiene! Joab en die soldate van Dawid het net van 'n rooftog af teruggekom en 'n groot buit saamgebring. Abner was toe nie meer by Dawid in Hebron nie: Abner het met die instemming van die koning ongehinderd vertrek.

Contemporary Afrikaans Bible 2023

²² En kyk, die dienaars van Dawid en Joab het gekom van die agtervolging van 'n bende en het 'n groot buit saam met hulle ingebring, maar Abner was nie by Dawid in Hebron nie; want hy het hom weggestuur, en hy het in vrede weggegaan.

Die Boodskap

²² Net nadat Abner so sonder dat iets aan hom gedoen is, weg is uit Hebron, het Joab saam met Dawid se soldate daar aangekom. Hulle was weer op ’n strooptog en het sommer baie goed by hulle gehad.

Nuwe Lewende Vertaling

²² Kort nadat Abner ongehinderd daar weg is, kom Joab en Dawid se manskappe met baie buit terug van ’n rooftog.

2 Samuel 3:22 Kruisverwysings

2 Samuel 3:23

Toe Joab en die hele leër wat by hom was, daar aankom, het die mense vir Joab vertel: “Abner, seun van Ner, het na die koning toe gekom, maar die koning het hom laat gaan, en hy is in vrede hier weg.”

2 Samuel 4:2

Twee manne, die •aanvoerders van roofbendes, was by Saul se seun. Die een se naam was Baäna en die ander een se naam was Regab. Hulle was seuns van Rimmon, 'n man van Beërot, een van die Benjaminiete. Ja, ook Beërot word as deel van Benjamin gereken.

1 Samuel 27:8

Dawid en sy manne het opgetrek en aanvalle geloods op die mense van Gesur; op die mense van Geser en op die Amalekiete. Ja, hulle was die inwoners van die land wat van altyd af gestrek het van die ingang na Sur tot by Egipteland.