2 Samuel 23:1 - Die Bybel 2020-vertaling

¹ Dit is die laaste woorde van Dawid: “Die uitspraak van Dawid, seun van Isai, die uitspraak van die man wat hoog geplaas is, die gesalfde van die God van Jakob, die geliefde van die liedere van Israel.

Bybel vir almal

¹ Hier is die laaste dinge wat Dawid gesê het: “Dawid seun van Isai het gepraat. Die Here het hom 'n belangrike man gemaak, en dit is hý wat gepraat het, hy, die gesalfde van die God van Jakob, die Sterk God van Israel was lief vir hom.

Afrikaans 1933-1953

¹ EN dit is die laaste woorde van Dawid: Dawid spreek, die seun van Ísai, en die man wat hoog geplaas was, spreek, die gesalfde van die God van Jakob en die lieflike in die sange van Israel:

Afrikaans 1983

¹ Hier volg die laaste woorde van Dawid: “Dit is Dawid seun van Isai wat praat. Dit is 'n man wat praat, een wat hoog geplaas is, die gesalfde van die God van Jakob, die gevierde in die liedere van Israel:

Contemporary Afrikaans Bible 2023

¹ Nou is dit die laaste woorde van Dawid. Dawid, die seun van Isai, het gesê, en die man wat in die hoogte opgewek is, die gesalfde van die God van Jakob en die lieflike psalmis van Israel, het gesê:

Die Boodskap

¹ Hierdie is ’n lied wat genoem is “Dawid se laaste woorde”. ’n Profesie van Dawid, Isai se seun, ’n profesie van iemand vir wie God ’n hoë posisie gegee het, vir wie die God van Jakob uitgekies het, die digter van Israel se mooiste liedere.

Nuwe Lewende Vertaling

¹ Hier volg die laaste woorde van Dawid: “Dit is Dawid seun van Isai wat praat, dis woorde van die man vir wie God aansien gegee het, die gesalfde van die God van Jakob, die geliefde psalmdigter van Israel.

2 Samuel 23:1 Kruisverwysings

Genesis 49:1

Jakob het sy seuns laat roep en gesê: “Kom bymekaar, sodat ek julle kan inlig oor wat met julle gaan gebeur in die toekoms.

2 Samuel 22:34

Hy maak my voete soos dié van wildsbokke; op hoë plekke laat Hy my vasstaan.

2 Samuel 22:51

Dit is Hy wat aan sy koning groot oorwinnings gee, wat troue liefde bewys aan sy gesalfde, aan Dawid en sy nageslag vir altyd. ”

1 Kronieke 16:7

Op daardie dag, juis toe, het Dawid die eerste keer vir Asaf en sy stamgenote aangestel om die Here soos volg te prys:

1 Kronieke 16:9

Sing vir Hom, besing Hom; praat met oorgawe oor al sy wonderwerke.

Psalms 2:6

“Ek self het my koning gesalf op Sion, my •heilige berg.”

Psalms 72:20

Die gebede van Dawid, seun van Isai, eindig hier.

Psalms 89:20

U het destyds in 'n visioen 'n belofte gemaak aan u getroue volgelinge. U het gesê: “Ek het hulp verleen aan 'n held, Ek het 'n jong man uit die volk verhoog.

Psalms 89:21

Ek het Dawid, my dienskneg, gevind; met my heilige olie het Ek hom gesalf,

Amos 6:5

Hulle neurie met begeleiding van die harp; soos Dawid, improviseer hulle op musiekinstrumente.

Lukas 20:42

Dawid sê dan self in die Psalms, “ ‘Die Here het vir my Here gesê: Sit aan my regterhand,

Lukas 24:44

Daarna het Hy vir hulle gesê: “Dit was my woorde wat Ek tot julle gerig het toe Ek nog saam met julle was, dat alles wat in die •Wet van Moses en die Profete en die Psalms oor My geskryf is, vervul moet word. ”

Deuteronomium 33:1

Hier volg die seën waarmee Moses, die man van God, die Israeliete voor sy dood geseën het.

Kolossense 3:16

Laat die woord van Christus in sy volle rykdom in julle woon. Leer en vermaan mekaar, in alle wysheid, deur met dankbare harte psalms, lofgesange en geestelike liedere tot eer van God te sing.

Jakobus 5:13

As iemand van julle swaarkry, moet hy bid. As iemand opgeruimd is, moet hy psalms sing.

1 Samuel 17:12

Dawid was die seun van hierdie man uit Efrata, uit Betlehem in Juda, met die naam Isai. Hy het agt seuns gehad. In Saul se tyd was die man al oud, gevorderd in jare.

1 Samuel 18:7

Die dansende vroue het gesing en gesê: “Saul het sy duisende verslaan, maar Dawid sy tienduisende.”

1 Samuel 2:10

Die Here – wie teen Hom te staan kom, word verpletter; oor hulle laat Hy dit dreun uit die hemel. Die Here spreek reg tot by die uithoeke van die aarde. Hy gee krag aan sy koning, Hy gee sterkte aan sy gesalfde. ”