2 Samuel 21:20 - Die Bybel 2020-vertaling

²⁰ Toe daar weer 'n geveg in Gat was, was daar 'n reus van 'n man met ses vingers aan elke hand en ses tone aan elke voet – vier-en-twintig altesaam. Ook hy het van Rafa afgestam.

Bybel vir almal

²⁰ Eendag was daar oorlog in die stad Gat. Daar was 'n lang man, hy het ses vingers aan elke hand gehad en ses tone aan elke voet, en hy was ook van die nageslag van die Rafa-mense.

Afrikaans 1933-1953

²⁰ En daar was weer oorlog in Gat; en daar was 'n baie lang man, met ses vingers aan elke hand en ses tone aan elke voet, vier-en-twintig in getal, en hy was ook 'n afstammeling van die Refaïete.

Afrikaans 1983

²⁰ Op 'n ander keer was daar oorlog in Gat. Daar was 'n lang man met ses vingers aan elke hand en ses tone aan elke voet; saam was dit vier en twintig. Hy was ook 'n Refaïet van geboorte.

Contemporary Afrikaans Bible 2023

²⁰ En daar was nog 'n geveg in Gat, waar 'n man van groot gestalte was, met ses vingers aan elke hand en aan elke voet ses tone, vier en twintig in getal; en hy is ook vir die reus gebore.

Die Boodskap

²⁰ In ’n ander geveg in Gat was daar ’n baie lang man met ses vingers aan elke hand en ses tone aan elke voet. Hy het, met ander woorde, twaalf vingers en twaalf tone gehad. Hy was ook een van daardie groot mense, die Refaïete.

Nuwe Lewende Vertaling

²⁰ In nog ’n geveg teen die Filistyne in Gat was daar ’n baie groot man met ses vingers aan elke hand en ses tone aan elke voet, saam 24. Hy was ook uit die geslag van die Refaïete.

2 Samuel 21:20 Kruisverwysings

2 Samuel 21:16

Jisbi-Benob, uit die nageslag van Rafa, het gedink dat hy Dawid kan verslaan. Die gewig van sy lans was driehonderd sikkel brons, en hy was omgord met 'n nuwe swaard.

2 Samuel 21:18

'n Tyd daarna was daar nog 'n geveg met die Filistyne in Gob. Dit was toe dat Sibbegai uit Gusa vir Saf, uit die nageslag van Rafa, verslaan het.

2 Samuel 21:21

Hy het Israel uitgetart, maar Jonatan, seun van Samma, die broer van Dawid, het hom verslaan.

1 Kronieke 20:6

Toe was daar weer 'n geveg in Gat. Daar was 'n lang man met ses vingers aan elke hand en ses tone aan elke voet – vier-en-twintig altesaam. Ook hy het van Rafa afgestam.