2 Samuel 21:19 - Die Bybel 2020-vertaling

¹⁹ Toe daar weer 'n geveg was met die Filistyne in Gob, het Elganan, seun van Jaäre-Oregim, uit Betlehem, Goliat uit Gat verslaan. Die skag van sy vegspies was soos die dwarsbalk van 'n weefraam.

Bybel vir almal

¹⁹ Toe die Israeliete later weer by Gob oorlog gemaak het teen die Filistyne, het Elganan seun van Jaäre-Oregim van Betlehem vir Goliat oorwin. Goliat het van die stad Gat gekom en sy spies se steel was soos die balk van 'n weefstoel.

Afrikaans 1933-1953

¹⁹ En daar was weer oorlog met die Filistyne in Gob; en Élhanan, die seun van Jáäre-Orgim uit Betlehem, het Góliat, die Gittiet, wie se spiessteel soos 'n wewersbalk was, verslaan.

Afrikaans 1983

¹⁹ In 'n ander geveg teen die Filistyne in Gob het Elganan seun van Jaäre-Oregim van Betlehem vir Goliat die Gattiet doodgemaak. Sy spiessteel was so dik soos die dwarsbalk van 'n weefstoel.

Contemporary Afrikaans Bible 2023

¹⁹ En daar was weer 'n geveg in Gob met die Filistyne, waar Elhanan, die seun van Jaareoregim, 'n Betlehemiet, die broer van Goliat, die Gittiet, wie se spiesstok soos 'n wewersbalk was, verslaan het.

Die Boodskap

¹⁹ In nóg ’n geveg teen die Filistyne in Gob het Elganan (hy was Jaïr, een van die wewers in Betlehem, se seun) vir Goliat wat van Gat af gekom het, doodgemaak. Die handvatsel van Goliat se spies het gelyk soos die balk waaraan die mense wat weef, hulle wol hang.

2 Samuel 21:19 Kruisverwysings

2 Samuel 23:24

Onder die dertig helde was daar: Asael, Joab se broer, Elganan, seun van Dodo uit Betlehem,

1 Kronieke 11:26

Die dapper krygers was: Asael, broer van Joab; Elganan, seun van Dodo, uit Betlehem;

1 Kronieke 20:5

Daar was nog 'n geveg met die Filistyne. Elganan, seun van Jaïr, het Lagmi, die broer van Goliat, uit Gat, verslaan. Die skag van sy vegspies was soos die dwarsbalk van 'n weefraam.

1 Samuel 16:1

Die Here het vir Samuel gesê: “Hoe lank gaan jy nog treur oor Saul? Dit is Ek wat hom verwerp het as koning oor Israel. Vul jou horing met olie en vertrek. Ek stuur jou na Isai van Betlehem, want tussen sy seuns het Ek vir My 'n koning gesien. ”