2 Samuel 18:4 - Die Bybel 2020-vertaling

⁴ Die koning het hulle geantwoord: “Wat vir julle die beste lyk, sal ek doen.” Die koning het toe langs die stadspoort gaan staan, en al die manskappe het in eenhede van honderd en duisend uitgetrek.

Bybel vir almal

⁴ Die koning het vir hulle gesê: “Ek sal doen wat julle wil hê.” Hy het by die poort gaan staan, en al die manne het uitgekom in groepe van 100 manne en 1 000 manne.

Afrikaans 1933-1953

⁴ Toe sê die koning vir hulle: Wat goed is in julle oë, sal ek doen. En die koning het langs die poort gaan staan, terwyl al die manskappe by honderde en by duisende uittrek.

Afrikaans 1983

⁴ Die koning sê toe: “Ek sal doen soos julle sê.” Toe gaan staan hy langs die stadspoort terwyl die hele leër in afdelings van honderd en duisend uittrek om te gaan veg.

Contemporary Afrikaans Bible 2023

⁴ Toe sê die koning vir hulle: Wat julle die beste dink, sal ek doen. En die koning het by die poort gaan staan, en die hele volk het uitgetrek by honderde en by duisende.

Die Boodskap

⁴ “Goed, as julle so dink, sal ek dit doen,” sê die koning. Die koning het toe by die stad se ingang gaan staan en al die groepe van die leër het by hom verbygestap.

Nuwe Lewende Vertaling

⁴ “Ek sal maak soos julle sê,” stem die koning in. Hy het by die stadspoort gaan staan terwyl die soldate in afdelings van honderd en duisend by hom verbygegaan het.

2 Samuel 18:4 Kruisverwysings

2 Samuel 18:1

Dawid het die manskappe by hom gemonster en •aanvoerders van duisend en aanvoerders van honderd aangestel.

2 Samuel 18:24

Terwyl Dawid tussen die twee poorte sit, gaan die wag op na die dak van die poort, na die stadsmuur. Toe hy opkyk, sien hy skielik iemand wat alleen aangehardloop kom.

2 Samuel 18:5

Die koning het Joab, Abisai en Ittai opdrag gegee: “Werk, ter wille van my, saggies met die jong man, met Absalom. ” Al die manskappe het gehoor toe die koning aan al die aanvoerders opdragte gee in verband met Absalom.

Jesaja 28:6

Hy sal 'n gees van geregtigheid wees vir hulle wat gaan sit vir die regspraak, en heldekrag vir hulle wat die geveg terugdryf na die stadspoort.

1 Samuel 29:2

Terwyl die Filistynse regeerders in eenhede van honderd en duisend verbytrek, het Dawid en sy manne heel agter saam met Agis verbygetrek.