2 Samuel 16:4 - Die Bybel 2020-vertaling

⁴ Toe sê die koning vir Siba: “Kyk, alles wat aan Mefiboset behoort, is nou joune.” Siba het gesê: “Ek buig in eerbied. Mag ek genade vind in u oë, my heer die koning.”

Bybel vir almal

⁴ Die koning het toe vir Siba gesê: “Alles wat aan Mefiboset behoort het, is nou joune.” Siba het geantwoord: “Meneer die koning, ek buig voor jou. Ek hoop jy sal tevrede wees met my.”

Afrikaans 1933-1953

⁴ Daarop sê die koning vir Siba: Kyk, alles wat aan Mefibóset behoort, is joue. En Siba sê: Ek buig my neer! Mag ek genade vind in u oë, my heer die koning!

Afrikaans 1983

⁴ Toe sê die koning: “Nou kyk, alles wat aan Mefiboset behoort, is nou joune.” “Ek sal altyd dankbaar bly,” sê Siba, “en ek hoop ek sal U Majesteit altyd tevrede stel.”

Contemporary Afrikaans Bible 2023

⁴ Toe sê die koning vir Siba: Kyk, joune is alles wat aan Mefiboset behoort. Toe sê Siba: Ek smeek u nederig dat ek genade in u oë mag vind, my heer, o koning!

Die Boodskap

⁴ Toe sê die koning vir Siba: “In daardie geval is al Mefiboset se goed nou joune.” “Baie, baie dankie, U Majesteit,” sê Siba, “u is baie goed vir my.”

Nuwe Lewende Vertaling

⁴ “O, so!” sê die koning vir Siba. “Alles wat Mefiboset besit, gee ek nou vir jou!” “Ek buig voor u in dankbaarheid, my heer die koning,” antwoord Siba. “Mag ek altyd u guns geniet.”

2 Samuel 16:4 Kruisverwysings

2 Samuel 14:22

Joab het neergeval met sy gesig teen die grond, diep neergebuig en die koning geprys. Hy het gesê: “Vandag weet ek, u dienaar, dat ek guns gevind het in u oë, my heer die koning, omdat die koning aan die versoek van u dienaar voldoen.”

2 Samuel 14:4

Die vrou uit Tekoa het dit toe vir die koning gaan sê. Sy het neergeval met haar gesig teen die grond, en toe diep neergebuig. Sy het gesê: “Help tog, o koning!”

2 Samuel 14:8

Die koning sê toe vir die vrou: “Gaan maar huis toe; ek sal opdragte gee oor jou.”

2 Samuel 16:3

“En waar is die seun van jou heer?” vra die koning toe, waarop Siba die koning antwoord: “Kyk, hy het in Jerusalem gebly, want hy het gesê, ‘Vandag gee die huis van Israel die koningskap van my vader aan my terug.’ ”

2 Samuel 16:5

Toe koning Dawid by Bagurim kom, kom daar skielik 'n man uit die dorp, 'n verlangse familielid van Saul; sy naam was Simeï, seun van Gera. Terwyl hy uitkom, skel hy

2 Samuel 19:27

My slaaf het egter u dienaar by my heer die koning gaan beskinder. Maar my heer die koning is soos 'n engel van God; doen maar wat goed is in u oë.

2 Samuel 9:6

Toe Mefiboset, seun van Jonatan, seun van Saul, by Dawid aankom, het hy neergeval met sy gesig teen die grond en diep neergebuig. Dawid sê toe: “Mefiboset?” Waarop hy antwoord: “Hier is ek, u dienaar!”

2 Samuel 9:9

Die koning het Siba, die dienaar van Saul, ontbied en vir hom gesê: “Alles wat aan Saul en sy hele familie behoort het, gee ek aan die seun van jou heer.

Eksodus 23:8

Omkoopgeskenke mag jy nie aanvaar nie, want 'n omkoopgeskenk verblind hulle wat kan sien en verdraai die woorde van regverdiges.

Spreuke 18:13

Wie antwoord voordat hy luister – sotheid is sy deel, en ook vernedering.

Spreuke 18:17

Die een wat eerste sy saak stel, het skynbaar gelyk, maar sy medemens kom en ondervra hom.

Spreuke 19:2

Sonder kennis is selfs ywer nie goed nie, en wie oorhaastig met sy voete is, trap mis.

Deuteronomium 19:15

“ Daar mag nie net een persoon as getuie optree teen iemand in verband met enige misstap, enige sonde of misdaad wat hy begaan het nie. Slegs op gesag van twee of drie getuies sal 'n saak vasstaan.