2 Samuel 13:13 - Die Bybel 2020-vertaling

¹³ En ek, waarheen sal ek gaan met die bespotting wat ek dra? En jy, jy sal soos een van die dwase in Israel wees. Daarom, praat liewer met die koning, want hy sal my nie van jou weerhou nie. ”

Bybel vir almal

¹³ Dink aan my. Waarnatoe sal ek gaan? Dit sal 'n skande wees. En jy, almal sal dink jy is 'n dwaas. Daarom, praat asseblief met die koning, hy sal jou met my laat trou.”

Afrikaans 1933-1953

¹³ Waar sou ék tog met my skande heen, en jý sou soos een van die dwase in Israel wees; spreek dan tog nou met die koning, want hy sal my nie van jou terughou nie.

Afrikaans 1983

¹³ Hoe sal ek my skande kan wegsteek? En jý sal in die oë van Israel 'n dwaas wees. Praat liewer met die koning, want hy sal ons toelaat om te trou.”

Contemporary Afrikaans Bible 2023

¹³ En ek, waarheen sal ek my skande laat gaan? en wat jou aangaan, jy sal wees soos een van die dwase in Israel. Spreek tog nou tog met die koning; want hy sal my nie van jou weerhou nie.

Die Boodskap

¹³ Wat moet van my word as ek so ’n skande oorkom? Dink aan jouself! Almal in Israel sal dink jy’s ’n skurk! Praat liewer met die koning; ek is seker hy sal my met jou laat trou.”

Nuwe Lewende Vertaling

¹³ Waarheen sal ek met hierdie skande vlug? Jy sal soos ’n dwaas in Israel wees. Praat gerus met die koning hieroor. Hy sal toelaat dat jy met my trou.”

2 Samuel 13:13 Kruisverwysings

Genesis 19:8

Kyk, ek het twee dogters wat nog nie met 'n man gemeenskap gehad het nie. Laat ek hulle liewer na julle uitbring. Maak dan met hulle soos dit goed is in julle oë. Net aan hierdie mans moet julle nie iets doen nie, want juis daarom het hulle onder die skadu van my dak ingekom.”

Genesis 20:12

Bowendien, sy is inderdaad my suster, sy is die dogter van my vader, net nie die dogter van my moeder nie; en sy het my vrou geword.

Deuteronomium 22:21

dan moet hulle haar uitbring na die ingang van haar vader se huis en die manne van die dorp moet haar met klippe doodgooi, sodat sy sterf, omdat sy 'n gruweldaad gepleeg het in Israel deur in haar vader se huis te hoereer. Jy moet die kwaad by jou uitroei.

Rigters 19:24

Hier is my dogter, 'n maagd, en sy byvrou; laat ek hulle eerder uitbring. Verkrag hulle en doen met hulle soos julle goeddink. Maar aan hierdie man mag julle nie hierdie gruweldaad pleeg nie.”